EAEko pentsiodunak dira Estatuan diru gehien jasotzen dutenak
Euskal Autonomia Erkidegoko (EAE) herritarrak dira Espainiar Estatuan pentsio altuenak dituztenak, izan ere, batez beste 1.143,35 euro jasotzen dituzte hilero; hau da, gainontzeko autonomia erkidegoetako pentsiodunek baino 222 euro gehiago (921,10 euro jasotzen dituzte batez beste). Halaber, Extremadurako pentsiodunak dira gutxien irabazten dutenak; hilero 766,07 euro (euskal herritarrek baino % 33 gutxiago), Espainiako Lan eta Gizarte Segurantza Ministerioak asteazken honetan kaleratutako datuen arabera.
EAEko herritarren ostean, Madrileko pentsiodunak (1.088,09 euro batez beste), Asturiasekoak (1.086,09 euro) eta Nafarroakoak (1.057,68 euro) egongo lirateke.
Aurretik aipatutako lau autonomia erkidego horietan bizi diren pentsiodunek soilik irabazten dituzte mila euro baino gehiago hilero. Izan ere, Gizarte Segurantzak ematen duen diru-laguntza hori jasotzen duten gainontzeko herritarrek (Espainian bederatzi milioi eta erdi pentsiodun daude guztira) batez beste 921,10 euro irabazten dituzte. Gainera, Espainiako hamaika autonomia erkidegoetan ez dira kopuru horretara iristen.
Espainiako Gobernuak zabaldutako datuen arabera, pentsiodun gehienak (1,7 milioi) Katalunian bizi dira; horietatik, 1.091.306 jubilatuak dira, beste batzuk ezgaitasun iraunkorren bat dute edota alargunak dira.
Espainiako Estatuan bost pentsio mota daude, eta, Euskadin, ezgaitasun iraunkorreko pentsioa (1.200 euro hilero) jasotzen dutenak dira nagusi. Jarraian, jubilatuak (1.315,7 euro) eta alargunak (770,86 euro) daude.
Datuak probintziaka aztertuta, Arabako pentsiodunak dira hilero diru gehien jasotzen dituztenak, 1.331,7 euro batez beste.
Zure interesekoa izan daiteke
Arrigorriagako osasun-zentro berria 2030ean irekitzea aurreikusten du Osakidetzak
Gauzak ondo bidean, lanak 2028ko lehen hiruhilekoan hasiko dira, egungo zentrotik gertu dagoen lursail batean. Asmoa da espazio-gabeziak konpontzea eta zerbitzu berriak eskaintzea. Laguntza gaitasuna handituko du familia medikuntza, ama-haurren zaintza eta fisioterapia arloak biltzen dituzten instalazio modernoekin.
Euskadiko pentsioen batez besteko zenbatekoa % 4,1 hazi da, eta 1.648 eurotik gorakoa da orain
Pentsio-modalitate ohikoenak honako hauek izan dira: erretirokoak (398.600 pentsio eta 1.909,25 euro batez beste), alarguntzakoak (132.270 eta 1.170,41 euro) eta ezintasun iraunkorrekoak (43.031 eta 1.590,25 euro).
Zubietako erraustegiko langileek osasun bermeak eskatu dituzte, bederatzi langile intoxikatu baitira
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.