Eusko Jaurlaritzak Hendaiako Euskotrenen geltokia zaharberrituko du
Eusko Jaurlaritzak, Euskal Trenbide Sarea euskal trenbideen kudeatzailearen bitartez, goitik behera berriztatuko du Euskotrenen Hendaiako geltokia. Horretarako, 5,6 milioi euro bideratuko ditu. Terminal berriak egungoaren azalera bikoiztuko du, eta trenen maiztasunak handiagoak izango dira.
Arantxa Tapia Eusko Jaurlaritzako Ekonomiaren Garapen eta Azpiegitura Sailburuak gaur goizean bisitatu ditu instalazioak, Kotte Ecenarro Hendaiako alkatearekin, Mathieu Bergé Akitania Berria eskualdeko kontseilaria eta mugaz gaindiko arduradunarekin, Antonio Aiz Azpiegitura eta Garraio sailburuordearekin, Aitor Garitano eta Imanol Leza ETSko eta Euskotreneko zuzendari nagusiekin, Akitania Berria eskualdeko, Akitania-Euskadi-Nafarroa euroeskualdeko ordezkaritza zabalarekin eta SNCFren zuzendariekin batera.
Zaharberritze proiektu horren barruan, egungo ahalmen eta irisgarritasun arazoak konponduko dituen eraikin berria eraikiko dute. Eraikin berriaren oin-planoa laukizuzena da, eta 198 metro karratuko azalera izango du (egun 84 metro karratu ditu). Geltokia Frantzian egon arren, Eusko Jaurlaritzak finantzatuko du proiektua oso-osorik.
Tapiak urte amaierarako abiatu nahi du lizitatze prozesua, apirila amaitzerako esleitu eta 14 hilabete iraungo duten lanak ekainean hasteko.
Arantxa Tapia sailburua, zaharberritze lanak azaltzen. Irekia.
Instalazio berriak
Instalazio horietan, hauek egongo dira: itxarongela (lau salmenta-makina izango ditu), balioztatze lerroa, ikuskatzailearen gela (bi armairu izango ditu), aldagela (komun eta guzti) eta garbiketarako gela.
Eraikin berria beste kokapen batean proiektatu dute, egungoa baino zortzi bat metro hego-ekialderago egingo baitute. Kokagune berriak geltokiaren sarbide nagusiaren atari gisa egituratzen den espazio libre txiki bat sortzeko aukera emango du.
Ibilbidearen azken 91 metroetan trenbidea bikoiztu egingo da. Horri esker, beste tren bat aparkatu ahal izango da, eta maiztasunak handitu ahal izango dira etorkizunean. Halaber, gaur egun dagoen 1,9 metroko zabalerako alboko nasaren ordez, 4 metro zabal izango den nasa zentral bat egingo da, markesinarekin.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.