Jaurlaritzak 2018rako Lan Eskaintza Publikoa onartu du, 4.402 lanposturekin
Eusko Jaurlaritzak Euskadiko Administrazio Publiko osorako 2018rako Lan Eskaintza Publikoa onartu du gaur. Guztira, 4.402 lanpostu eskainiko dira ondorengo arloetan: Hezkuntza, Osakidetza, Ertzaintza eta Administrazio Orokorra.
Azterketak 2019an egingo dituzte, gobernu bileraren ondoren Josu Erkoreka Eusko Jaurlaritzako bozeramaileak zehaztu duenez.
Erkorekaren hitzetan, 2020ko Enplegu Plan Estrategikoan hartutako konpromisoaren baitan deitu dituzte lan eskaintzok. Plan horren arabera, bi urte barru 13.500 lanpostu publiko deitzea aurreikusita zuen Jaurlaritzak.
Lanpostu gehienak, 2.408, Hezkuntza Sailean eskainiko dituzte. Zehazki, Derrigorrezko Bigarren Hezkuntzako eta Lanbide Heziketako irakasleentzat.
Osakidetzako lan eskaintzak 1.083 postu izango ditu. Ertzaintzaren 28. promoziorako 500 lanpostu gorde dituzte, eta Administrazio Orokorrerako, 337.
Horrez gain, bi erakunde publikok jakinarazi diote Jaurlaritzari enplegu publiko deialdiak egingo dituztela: URA Uraren Euskal Agentziak (65 lanpostu), eta EiTBk (9).
Lanpostu guztien % 7 dibertsitate funtzionala duten pertsonentzat gordeko dira, eta gutxienez % 2 desgaitasun-intelektuala dutenentzat izango dira.
Erkorekak nabarmendu duenez, "lanpostu publiko, egonkor eta kalitatezkoak finkatzeko eta lortzeko" asmoa du Jaurlaritzak.
Zure interesekoa izan daiteke
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.