Irun eraldatzeko eta biziberritzeko hitzarmena sinatu dute erakundeek
Jose Luis Abalos Sustapen ministroa bertan zegoela, Irungo Udalak, Adifek, Gipuzkoako Foru Aldundiak eta Eusko Jaurlaritzak hitzarmena sinatu dute arratsaldean, tren geltokia eraldatzeko eta udalerria biziberritzeko.
Akordioaren arabera, gutxi gorabehera 33.888 metro karratu libre geratuko dira, hirigintzarako eta 'Topo'aren integrazioa bultzatzeko.
Isabel Pardo de Vera Adifeko presidenteak, Jose Antonio Santano Irungo alkateak eta Arantxa Tapia Ekonomi Garapenerako eta Azpiegituretarako sailburuak sinatu dute hitzarmena. Gipuzkoako Aldundiak ere laster sinatuko du akordioa.
Sinadura “pozik egoteko arrazoi” bat dela azpimarratu du Abalosek. “Hamarkadetan Irunen egin den eraldaketarik handiena aurrera eramateko konpromisoa hartzea erronka atsegina” ere badela azaldu du ministroak. Zentzu horretan, Irun “trenari lotutako hiria, eta Espainiaren sarrera eta irteera” dela goraipatu du agintariak.
Tren garraio zerbitzu “moderno eta jasangarri” bat bermatzen du hitzarmenak, Irungo mugikortasun beharrizanak asetzeko. Bide batez, Donostia-Hendaia trenbidearen zati bat lurperatzeko aukera ematen du akordioak.
Gainera, 'Topo'aren ibilbidea hobeto integratzeko egitasmoak aztertuko dituzte erakunde guztiek, elkarrekin.
Era berean, merkantzia trafikoa eta bagoien aparkalekua lekuz aldatuko dituzte; izan ere, “Trenbide Zaharrak” izeneko zonaldean daude egun.
Arantxa Tapia sailburua, Jose Antonio Santano alkatea eta Jose Luis Abalos ministroa. Argazkia: EFE
Adifek 34.000 metro karratu dagoeneko libre utzi dituela azaldu du Sailak, trenbideen integrazioa errazteko.
Abiadura handiko trena (AHT) Irunera heltzeak komunikazio azpiegiturak hobetzea eskatzen duela nabarmendu du ministroak, “hiri barruan zein kanpoan bidaiarien garraio publikorako zerbitzuak sendotzeko”. “Trenbidea Irunen erabat integratzeko hirigintza aldaketak elkarrekin aztertuko dituzte, abiadura handiko geltoki berria barne”, erantsi duenez.
Bestalde, proiektuaren bidez Eusko Jaurlaritzak hartzen duen konpromiso bikoitza goraipatu du Ekonomi Garapenerako eta Azpiegituretarako sailburuak. Tapiaren ahotan, “irundar zein tren erabiltzaile guztiekin” konpromisoa hartu du EAEko Exekutiboak.
“Erreza izan ez den” egitasmo batean, hitzarmenaren sinadura “urrats sendoa” dela azpimarratu du Jose Antonio Santano Irungo alkateak. “Hiriaren historian kapitulu berri bat da”, gaineratu du.
Azkenik, Denis Itxaso ahaldunordeak nabarmendu duenez, “Gipuzkoako bigarren hiri handienaren bihotzean andeatutako eremu bat biziberritzea, Irunentzako eta Bidasoa eskualdearentzako oso garrantzitsua da, baita lurralde osoarentzako eta muga arteko (Eurohiria) proiektuarentzako ere”.
Jose Luis Abalos Sustapen ministroa pentsiodun talde batekin hizketan, Irungo udaletxearen aurrean. Argazkia: EFE
Zure interesekoa izan daiteke
Testa funtsak 500 familia kalean utzi nahi dituela salatzeko manifestazioa deitu dute Iruñean
Etxebizitza horiek parke publikoaren parte izatera pasatzeko eskatzen dute bizilagunek. Manifestazioa urriaren 17an izango da, 17:30ean, Baluartetik abiatuta.
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.