25.000 euro baino gutxiagoko autoen erosketak lagunduko ditu 'Renove' planak
10 urte baino gehiagoko autoak zirkulaziotik kentzearen truke ibilgailu berriak erosteko Eusko Jaurlaritzak martxan jarriko duen 'Renove' planak 2.000 euroko diru-laguntza emango du operazio bakoitzeko, baina auto berriak 25.000 euro baino gutxiago balio beharko du. Guztira, planak bost milioi euroko aurrekontua izango du, eta ia 2.500 erosketa lagunduko ditu.
Javier Zarraonaindia Industria sailburuordea eta Iñigo Ansola Energiaren Euskal Erakundeko (EEE) zuzendaria Araba, Bizkaia eta Gipuzkoako kontzesionarioetako ordezkariekin bildu dira, 10 urtez gorako ibilgailuak berritzeko diru-laguntzen berri emateko. Egitasmoa iragan astean iragarri zuen Jaurlaritzak.
Gaur planaren xehetasunen berri eman dute: horrela, ordezkatu nahi diren autoek gutxienez 10 urte izan beharko dituzte, eta 7 urte furgoneten kasuan; guztiak txatarrerako geratu beharko dira.
Diru-laguntzak jaso ahal izateko turismo berriek A kalifikazio energetikoa izan beharko dute; gasolina eta gasolio ibilgailuen kasuan kalifikazio gorena, alegia.
Egitasmoak neutraltasun teknologikoa izango du ardatz, hau da, teknologia guztientzako diru-laguntzak izango dira: elektrikoak, hibridoak, hidrogenoa, gas naturala, gasolina eta diesel motorrak. Hala ere, zenbatekoak ezberdinak izango dira: diru-laguntza handiena 3.000 eurokoa izango da auto elektrikoentzako eta hidrogenozkoentzako, biak oraingoz oso urriak merkatuan. Dieselak eta gasolinak 2.000 euroko laguntza izango dute.
Diru-laguntzak egoitza soziala eta fiskala Euskadin duten pertsona fisiko edo juridikoek eta tokiko erakundeek (udalak, mankomunitateak, taldeak) eskatu ahal izango dituzte, baina ez alokairu enpresek.
Planak arrakasta baldin badu, bost milioiko partida etorkizunean areagotzeko atea zabalik utzi du Industria sailburuordeak.
Kontzesionarioek Gobernuaren diru-laguntza “osatuko” ote duten ez du aurreratu nahi izan Javier Bagues AEGA-Gipuzkoako presidenteak. Aurreko Renove egitasmoetan, diruaren erdia administrazioak jarri zuen, eta beste erdia ekoizleak, ez kontzesionarioak. “Bildu behar gara, eta aztertu behar dugu”, azaldu du Baguesek.
Plana martxoaren bukaeran jarriko dute martxan, Energiaren Euskal Erakundearen bidez.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.