Langabezia tasa % 10,2ra jaitsi da EAEn 2019ko lehen hiruhilekoan
Euskal Autonomia Erkidegoko langabezia tasa % 10,2koa izan da 2019ko lehen hiruhilekoan, Eustat Euskal Estatistika Erakundeak gaur kaleratutako datuen arabera. Datua duela urtebetekoa baino %1,1 txikiagoa da (11.000 langabe gutxiago), eta 2018ko azken hiruhilekoan baino hamarren bat txikiagoa (1.100 langabe gutxiago).
Azken urtean, gora egin du lanean ari den pertsona kopuruak (16.200 gehiago, 9.000 gizon eta 7.200 emakume) eta okupazio tasa % 67,6koa da.
Langabeziaren eta okupazioaren eboluzioaren ondorioz, jarduera tasa % 56,5ean kokatu da 2019ko lehen hiruhilekoan, aurreko hiruhilekoan baino % 0,1 beherago.
Urteko lehen hiruhilekoan 106.200 pertsona zeuden lanik gabe EAEn. Langabeen artean 49.200 gizonezkoak ziren eta 57.000, ostera, emakumezkoak. Gizonezkoen kasuan langabeziak behera egin du azken hiruhilekoan (5.800 gutxiago) eta emakumeen kasuan, berriz, gora (4.800 gehiago).
Gizonezkoen langabezia tasa % 9koa da (%1,1 puntu gutxiago), eta emakumezkoena, berriz, % 11,5 (% 1 gehiago). Gazteen langabezia tasak jarraitzen du altuena izaten: % 19,7. Gainera, aurreko hiruhilekoarekin alderatuta, % 0,6 igo da.
Lurraldez lurraldeko datuei erreparatuta, langabeen jaitsiera handiena Gipuzkoan gertatu da (-1.200), eta langabezia tasa % 7,9an kokatu da, aurreko hiruhilekoan baino % 0,3 beherago. Bizkaian, 61.800 langabe daude, 300 gutxiago, eta langabezia tasa % 11,3koa da, % 0,1 gutxiago. Araban, 500 langabe gehiago daude aurreko hiruhilekoan baino, eta langabezia tasa %0,4 igo da, %11,3raino.
Jarduera sektoreei begiratuta, okupazioa guztietan hazi da, industrian izan ezik. Beste aldean, zerbitzuak nabarmendu dira, okupazio garbia 15.900 pertsona igo baita.
Azkenik, pertsona aktibo guztiak langabezian dituzten etxeak edo familiak 30.800 dira, aurreko hiruhilekoan baino 2.200 gutxiago.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.