Sagarduik ez ditu Osakidetzako grebak ulertzen eta ukatu egin du murrizketak daudela
Gotzone Sagardui Eusko Jaurlaritzako Osasun sailburuak ez du ulertzen Osakidetzako sindikatuek egindako hiru eguneko greba deialdia eta ukatu egin du osasun zerbitzu publikoan murrizketak daudela.
ELA, SATSE, SME, LAB, CCOO, UGT, ESK, SAE, UTESE sindikatuek greba egun bana deitu dute lurralde bakoitzean: urriaren 29an, Araban, azaroaren 5ean, Gipuzkoan eta azaroaren 12an, Bizkaian.
Euskadi Irratiari eskainitako elkarrizketan, greba deialdia hizpide izan du. Erabakia errespetatu arren, "greba langileen eskubidea delako", Osasun sailburuak ez ditu lanuzteak ulertzen, "elkarrizketak izaten ari garelako".
"Iritsi nintzenetik esan dut eskuak eta ateak zabalik ditudala elkarrizketarako, horrela bakarrik lortuko baitugu akordioa, eta horretan ari gara. Gainera, egin ditugun bileretan gauza asko modu berean ikusten ditugula egiaztatu dugu, eta zentzu horretan ere gure kabuz lan egiten hasi gara ", azaldu du.
Sagarduik azpimarratu duenez, Osakidetzak "inoiz baino langile gehiago" ditu, "39.000 inguru", eta Eusko Jaurlaritzaren aurrekontuen herena osasunera bideratuta dago. "Non daude murrizketak? Murrizketarik ez dago, eta hori argi eta garbi esan behar dut ", nabarmendu du.
Bestalde, pandemia hasi zenetik neurriak hartzen ari direla esan du Osasun sailburuak: "Langile berri asko jarri ditugu, material berri asko, eta ez orain bakarrik, hilabeteak daramatzagu horretan. Ez da murrizketarik egin, ez lehenago, ezta orain pandemia garaian ere. Egunero lan egiten dugu baliabide guztiak eskura izateko".
Tapiak ziurtatu duenez "bizkor" aritu behar da, "erabateko konfinamendua" saihesteko
Radio Euskadin egindako elkarrizketa batean, Arantxa Tapia Eusko Jaurlaritzako Garapen Ekonomiko, Iraunkortasun eta Ingurumen sailburuak azaldu duenez, "bizkorrak izan behar dugu agertzen zaizkigun egoera berriei erantzuteko, gaitzik handiena, erabateko konfinamendua saihesteko".
Murrizketa berriak ezartzeko aukera baztertu du momentuz: "Oraingoz adituen iritzia jasoko dugu". Euskal Autonomia Erkidegoko joera orokorra aztertzeaz gain, agian eragin berezia duten udalerri edo eremu batzuk aztertuko dituzte, erabaki zehatzak hartzen laguntzeko. Hala ere, neurriak ezartzerakoan "uniformetasuna" ezin dela ezarri gaineratu du.
Horrela, kutsatzeen datuak eta PCR probak ez ezik, "ospitaleetako gaitasunak" ere kontuan hartu behar direla esan du.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.