Etxegabetzeen aurkako zuzenketa kendu dute, Sanchezen Gobernuaren konpromisoa lortuta
Unidas Podemosek, ERCk eta EH Bilduk ez dute etxegabetzeen eta oinarrizko horniduraren mozketen aurkako zuzenketa sartuko 2021eko Estatuko aurrekontu orokorretan, eta azkenean ez da bozkatuko Kongresuan.
Unidas Podemoseko iturrietatik jakinarazi dutenez, hiru taldeek zuzenketa hori izapidetik kentzea adostu dute, Espainiako Gobernuak "norabide hori hartuko duen" lege dekretu bat onartzea hitzeman duelako.
Gainera, Unidas Podemosetik azpimarratu dute lege dekretuak neurria berehala indarrean sartzea ahalbidetuko duela, eta beste bidetik urtarrilaren 1ean sartuko litzatekeela indarrean, goiz jota.
Aurreko ostegunean, Pablo Iglesias Eskubide Sozialen bigarren presidenteordeak esan zuen Espainiako Gobernuak "datozen egunotan" aurkeztuko dituela neurriak indarrean dagoen atzerapenen araua eguneratzeko. "Bi asteren buruan egotea espero dugu", adierazi zuen Kongresuan egindako agerraldian.
Jose Luis Abalos Sustapen ministroak ere zalantzan jarri zuen zuzenketa horrek aurrekontuetan tokia ote zuen, eta Kongresuko abokatuek ez izapidetzea aholkatu zuten, Auzitegi Konstituzionalak aurrekontuen prozedurarako aurreikusten dituen baldintzak urratzen dituela iritzita. Hala eta guztiz ere, PSOEk eta Unidas Podemosek aurrera jarraitu zuten izapideekin.
Batzordean PSOEren, Ciudadanosen eta EAJren ezetza, eta PPren abstentzioa jaso ostean, zuzenketa astearte honetan zen bozkatzekoa, aurrekontuen zuzenketak bozkatzeko prozesuaren barruan.
Zuzenketa horrez gain, Unidas Podemosek, ERCk eta EH Bilduk beste zuzenketa bat sartu zuten hipoteken exekuzioagatik egiten diren etxegabetzeen atzerapena luzatzeko. Unidas Podemoseko iturriek azaldu dute hori ere ez dutela aurkeztuko (batzordeak errefusatu egin zuen PSOEren, PPren, Ciudadanosen eta EAJren botoekin).
Zure interesekoa izan daiteke
Gipuzkoan, hiru kontrataziotik bi goi-mailako ikasketak dituzten pertsonentzat izango dira
Unibertsitatera joan direnek edo graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostu hutsak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.