Garcia: "Txertaketa irregularren erantzukizun politikoak argitu behar dira"
Loli Garcia Euskadiko CCOOko idazkari nagusiak Radio Euskadin egindako elkarrizketa batean salatu duenez, "oso larria" da hurrenkerari muzin egin eta txertoa jarri duten bi zuzendarien auzia. "Erantzukizun politikoak argitu behar dira", esan du, eta Osasun Sailaren txertaketa kanpainaren antolakuntzan dagoen "gardentasun falta" kritikatu du. "Ez dute langileon esku inongo txertaketa protokolorik jarri", adierazi du Garciak: "Ez digute ezer esaten".
Urtarrilaren 28an lanuzteak deitu dituzte Osakidetzan, eta CCOOk uste du "lehen aldiz negoziatzeko asmoa" duela Jaurlaritzak. "Osasun arloko langileek gogor egin dute lan, eta horrek aitortza eskatzen du: lehen mailako arretan baliabide ekonomiko eta giza baliabide falta dago, eta orain askoz nabarmenagoa da". Sindikatuetako ordezkariek "osasun arloan dagoen presioari irtenbidea ematea" eskatu dute, "murrizketak eta zerbitzuen desbideratzea aspalditik pairatzen ari ginelako".
EAEko egoitzen eremuan "zerbitzuak kanpora ateratzea" salatu du sindikatuak, eta langileen gehiengoa emakumezkoa den sektore horretan, emakumeen lana "baloratzea" eskatu du.
Bestalde, aeronautikaren sektorean, esaterako, CCOOek uste du, ezin direla lehen momentutik kaleratzeak babestu, eta "negoziazio prozesuei" bide emateko deia egin du, sindikatuaren ustez, "etorkizuna dutelako". Garciaren ustez, Jaurlaritzak enpresetan esku hartu behar du, baina "enpleguaren alde lan eginez".
"Nahikoa da", erantzun dio Garciak Eduardo Zubiaurreri, Confebaskeko presidenteari; izan ere, azken honek, enpleguari eusteko irtenbidea soldata doitzea zela esan zuen. "Ez dute izateko arrazoirik eta ez dira justuak. Soldaten erreformek soldaten balioa gutxitzea eragin zuen, eta hori zen ezkutuan zegoen helburuetako bat". "Ez da soldatak jaisteko garaia, ez da langileei krisi baten ondorioak ordainarazteko garaia", laburbildu du.
"Enpresek zergetatik ateratzen den diru publikoa jasotzen dute, eta enplegua eta lan-baldintzak bermatzeko ardura dute". CCOOko Euskadiko idazkari nagusiak azpimarratu duenez, "prest gaude enpresa bakoitzaren egoera zehatza baloratzeko, elkarrekin aztertzeko, etorkizuneko industria-planak ezartzeko" eta "horren arabera baloratuko genituzke hartu beharreko neurriak, enplegua eta enpresa etorkizunean bideragarriak izan daitezen".
Garciaren esanetan, "gatazkak areagotu" egingo dira, izan ere, "funtsezkoak diren zenbait gai daude, hala nola LGSren igoera, lan-erreformen indargabetzea eta pentsioen erreforma, ezin direnak murrizketatik planteatu". "Europako funtsak ez datoz baldintza jakin batzurekin", azpimarratu du Loli Garciak. "Ezin da osasun krisia aitzakia gisa erabili funtsezko gaiak ez jorratzeko".
ELA eta LAB sindikatuak Euskadiko elkarrizketa sozialaren mahaian ez egoteari buruz, Garciak esan du gehiengo sindikala ez dagoela ordezkatuta, "haiek ez dutelako egon nahi". "Estatu mailan elkarrizketa sozialaren mahaiaren baliagarritasuna azaleratzen ari da". ELA eta LABekin harremanak "ez direla errazak" onartu du Garciak, baina "ez dugu etsiko eta batasun guneak bilatzeko lanean jarraituko dugu", baina "alde guztien borondatea egon behar da", gaineratu du.
Jatorrizko informazioa Radio Euskadik landu eta eitb.eus-ek itzuli du.
Albiste gehiago ekonomia
Fabrikazio aurreratuko 32 euskal enpresa EMO Hannoverren dira, azken berrikuntzak aurkezteko
Makina-erramintak zita oso garrantzitsua du egunotan Hannoverko EMO azokan. Ekonomiak bizi duen ezegonkortasun egoera honetan inoiz baino beharrezkoagoa da munduaren erakusleihoan egoteam eta merkatu berriak jorratzea. Asmo horrekin joan dira, Jaurlaritzak babestuta, EAEko 32 enpresa.
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.