Erregistratu dute enplegu publikoa defendatzeko apirilaren 22ko greba deialdia
ELA, LAB, CCOO, SATSE, STEILAS eta ESK sindikatuek apirilaren 22rako sektore publikoan deitu duten greba erregistratu dute. "Behin-behineko milaka langileren kontsolidazioa" eta behin-behinekotasun maila "onartezina" amaitzea eskatuko dute.
Sindikatuek argudiatu dutenez, lanuztea deitzea erabaki dute "Eusko Jaurlaritzak eta gainerako erakunde eta alderdi politikoek erantzun egokirik" ez diotelako eman "sektore publiko osoko behin-behinekotasunaren eta enplegu publikoaren suntsipenaren arazo larriari".
Azpimarratu dutenez, "ia administrazio guztietan dauden behin-behinekotasun mailak onartezinak dira".
"Eusko Jaurlaritzak aitortu du euskal sektore publikoak Espainiako Estatuko eta Europako behin-behinekotasun maila altuena duela, % 40tik gorakoa, eta errealitate hori sistematikoki, orokorrean eta batzuetan modu irregularrean errepikatzen dela sektore guztietan", azaldu dute.
Sindikatuek salatu dute egoerari aurre egiteko "borondatea hutsaren hurrena" izan dela, eta "mobilizazioaren bidea besterik ez" dutela utzi. Horregatik, gaur goizean erregistratu egin dute apirilaren 22rako greba deialdia.
"Sektore publiko guztia" osatzen duten langile guztiak deitu dituzte protesta ekitaldian parte hartzera, udaletako, aldundietako, Osakidetzako, hezkuntzako, Administrazio Orokorreko, Justiziako, Garraio Publikoko, komunikabide publikoetako eta gainerako sektoreetako beharginak.
"Enplegu publikoa sortzea, eta egunero zerbitzu publikoak aurrera ateratzen dituzten, pandemian ezinbestekoak diren eta urte askotan behin behineko langileak izan direnen lanpostuak kontsolidatzea" aldarrikatu dute.
Egoera hori salatzeko, lehenik elkarretaratzeak egingo dituzte lantokietan apirilaren 15ean, eta gero iritsiko da greba, hilaren 22an.
Zure interesekoa izan daiteke
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.