Ertzaintzak bost atxilotuei emandako tratu "iraingarria" salatu du SOS Ostalaritzak
Ertzaintzak ostiralean atxilotutako bost kideei emaniko tratu "iraingarria" salatu du SOS Ostalaritzak. Horietako bat prakarik gabe egotera behartu zuten ertzain-etxean, eta fitxa poliziala "kulerotan" bete behar izan zuen, azaldu dutenez.
Gipuzkoako Aldundiaren aurrean protesta egin du SOS Ostalaritzak larunbat honetan. Ostiralean bost pertsona atxilotu zituzten toki berean, sektorearen egoera salatzeko Foru Aldundiaren jauregiaren ateetan kateatu ondoren.
Bost atxilotuen burua inguratzen zuen katea zizaila batekin moztu zuten ertzainek, eta jauregian sartu zituzten.
Garazi Otegi eta Loren Roca plataformako kideek ohar bat irakurri dute. Ostiraleko protesta "sinbolikoa eta baketsua" izan zela azaldu dute, nahiz eta atxilotuei "desordena publikoak" egotzi. "Eskuburdinak" jarri eta ertzain-etxera eraman zituzten, erantsi dutenez. "Guztiz biluztera behartu zituzten, baita azpiko arropak kentzera ere", kritikatu dutenez.
Konkretuki, Elena Guineak pairatutako "tratu iraingarria" azpimarratu dute ordezkariek. Haren galtzek lokarriak zituztenez, ertzainek kendu behar zizkiotela esan zioten, protokoloak hala aurreikusten zuelako, gaineratu dutenez. "Ziegan zein polizia-etxean ibiltzerakoan, hatz-markak hartzeko edo galdekatzeko", "kulerotan" egon zen, salatu dute.
"Bost ordu" eman zituen horrela ertzain-etxean, Guineak azaldu duenez. Are gehiago, "komunera joateko ere aurrean ertzain bat nuen", esan du.
SOS Ostalaritza salaketa aurkezteko aukera aztertzen ari dela adierazi du Guineak. "Epaiketa heltzen denean inolako zigorrik ez ezartzea" eskatu du, "zentzugabekeria" izan delako.
Atxiloketak "onartezinak" direla uste du SOS Ostalaritzak, "jarrera bortitzik ez zutelako izan" ostiraleko elkarretaratzean. Sektorea sufritzen ari den "itolarrian arreta jarri" nahi izan zutela nabarmendu dute.
Elena Guinea, Garazi Otegi eta Loren Roca SOS Ostalaritzako ordezkariak. Argazkia: EFE
Kateatzeko ekintzari dagokionez, ertzainei "bost minutuko" kontua izango zela esan zietela ziurtatu dute: "Giltzak eman genizkien katea askatzeko".
Kateatuek "Aldundiko zaindarien bultzakadak jaso zituzten", gogorarazi dutenez.
Jokabide horiekin ostalaritza kolektiboaren "indarkeria irudi bat bilatu" nahi izan ote duten galdetu du elkarteak. "Demonizatu nahi gaituzte", adierazi dute.
"Egunero aforo- eta ordutegi-murrizketak jasaten ari gara, eta orain atxiloketak eta umiliazioak pairatu behar ditugu. Guk lan egin nahi dugu: hori da gure delitua", nabarmendu dute.
SOS Ostalaritzak Gipuzkoako udaletxeen aurrean elkarretaratzeak deitu ditu gaurko, 20:30ean, egoera salatzeko.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.