Guuk-ek 17.000 bezero lortu ditu lehen urtean, eta errentagarria izan nahi du hiru urteko epean
Guuk euskal telefonia operadoreak 17.000 bezero baino gehiago lortu ditu bere lehen urtean, eta aipatzekoa da % 30 berriak direla telekomunikazioen merkatuan; hau da, bezero horiek ez zirela beste operadore batzuetakoak. Bere lehen urteurrenean, konpainiak (120 langile ditu) iragarri du bost urtean EAEko eta Nafarroako telekomunikazio merkatuaren % 5 eta % 10 artean bereganatu nahi duela, eta hiru urtetan "errentagarria" izateko asmoa du.
Konpainiako arduradun nagusiek, Jon Ander de las Fuentes presidenteak eta Juanan Goñi kontseilari delegatuak, euskal operadorearen ibilbidearen lehen urteko emaitzen berri eman dute gaur, Bilbon, prentsaurrekoan.
Gaur egungo 17.000 bezeroetatik 12.500 (% 74) konbergenteak dira (zuntza eta mugikorra kontratatuta dute), batez beste lau produktu baino gehiago dituzte bezero konbergente bakoitzeko, eta guztira 60.000 produktu eta zerbitzu baino gehiago eskaintzen dituzte zuntz, mugikor, telebista eta finkoarekin.
Testuinguru horretan, De las Fuentesek azpimarratu du Guuk duela urtebete sortu zela, mundu mailako pandemia betean, "eskaintza disruptibo eta aitzindari batekin, zintzotasuna, gardentasuna eta letra txikirik gabeko eskaintza batean oinarrituta". Orain, lehen urteurrena bete duenean, geratzeko etorri dela esan du; izan ere, emaitza horiek "merkatuak hemen nahi gaituela erakusten dute".
Urtebetean, "Euskadiko eta Nafarroako biztanleen erdiak baino gehiagok (% 54) konpainia ezagutzen du, eta, sektoreko aktoreen kopurua eta horietako askoren ibilbidea gorabehera, mugikor eta finkoko telekomunikazio-zerbitzuetarako bosgarren konpainiarik garrantzitsuena da", gaineratu du.
2026rako, konpainiak EAEko eta Nafarroako merkatuaren % 5 eta 10 artean bereganatzea aurreikusten du. Arduradunek helburu hori ezarri dute, euren helburuetako bat "tokiko telekomunikazio operadoreen nagusitasuna berreskuratzen laguntzea delako, kontsumitzaileen beharrei balio eta ulermen handiagoa emateko asmoz".
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.