CCOO Gazteak sindikatuak salatu du gazteak ez direla ari susperraldiaren onurak nabaritzen
Comisiones Obreras (CCOO) Gazteak sindikatuak La precariedad nos quema, babestu zaitez kanpaina aurkeztu du ostegun honetan, prentsaurreko batean, euskal gazteen egoera soziolaborala salatzeko.
"Euskal gazteen bi kezka nagusiak enplegua eta etxebizitza dira", esan du Sandra Sevilla CCOO Gazteak sindikatuko arduradunak, eta azpimarratu du kontratuen partzialtasuna eta behin-behinekotasuna gazteen artean gainerako herritarrena halako bi dela.
CCOO Euskadiko idazkari nagusi Loli Garciak salatu duenez, lan harremanen eskemak 'klinex' gisa erabili ditu gazteak "hartu, geihegi erabili eta, behar ez denean, bota".
Horrela, 2020ko lehen hiruhilekoko Biztanleria Aktiboaren Inkestaren arabera, EAEko gazteen okupazioak beheranzko joera erakusten duela nabarmendu dute.
EPAk iragarri duen susperraldiaren bidean, Loli Garciak esan du "puntu beltz" asko daudela datu horietan: "Biztanleria aktiboaren inkestaren arabera, gazteak ez dira susperraldiaren onuradun izaten ari, prekarietate eta langabezia maila berberak pairatzen jarraitzen dute".
Deitoratu du, halaber, sortzen ari den enplegua aldi baterakoa dela, eta gazteen langabezia ez dela murriztu; aitzitik, hazten ari da, emakumeen kasuan bereziki.
Etxebizitzaren prekarietateari dagokionez, Sevillak nabarmendu du Euskadiko emantzipazio-tasa EBko baxuenetakoa dela, % 38,5ekoa, hain zuzen ere.
"2020an, EAEn 15 eta 29 urte bitarteko pertsonen % 40,5ek ez zuen uste emantzipazio-proiekturik egin zezakeenik; bakarrik bizi diren gazte askok sentitzen dute uneren batean gurasoen etxera itzuli beharko dutela, eta horri "emantzipazio moztua" deitzen diote adituek.
Hori dela eta, CCOO Gazteak sindikatuak uste du sindikatuen bueltan elkartzea dela "gazteon egoeraren ondorioei aurre egiteko bidea".
"Agenda soziala mahai gainean jartzeko unea iritsi da, langileek beren eskubideak aitortuak izan ditzaten", esan du Loli Garciak.
CCOOk lan erreforma eskatzen du
Lola Santillana Espainiako Comisiones Obreraseko enplegu-idazkariak Biztanleria Aktiboaren Inkestaren datu onak ospatu ditu; izan ere, langabeziak % 15,26 egin du behera, eta 464.900 enplegu sortu dira estatu osoan. Aldi berean, eskatu du aprobetxatu dadila egoera hori pandemia aurreko enplegu-mailetara itzultzeko eta prekarietatearekin eta behin-behinekotasunarekin amaitzeko.
"Une hau aprobetxatu beharko genuke, Europako funtsekin batera, datozen hiruhilekoetan pandemiaren aurretik genituenak baino enplegu datu hobeekin proiektatzeko", adierazi du Santillanak, eta, gaineratu duenez "herrialde honek ezin du jarraitu prekarietateak, behin-behinekotasunak eta enpleguaren txandakatzeak markatutako lan-merkatua erreproduzitzen".
Horretarako, CCOOren ustez, "funtsezkoa" da 2012ko lan-erreforma behin betikoz aldatzea urtea amaitu baino lehen, aldi baterako kontratua ezabatuko duen erreforma berri batekin. Santillanak adierazi du, gainera, Gobernuak hurrengo Ministroen Kontseiluan Lanbide arteko Gutxieneko Soldata igotzea "beste erremediorik ez" duela.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.