Iruñeko alde zaharreko ostalari gehienek tabernak itxi dituzte 18:00etan
Iruñeko alde zaharreko ostalari gehienek euren establezimenduak itxi dituzte ostegun honetan, 18:00etatik aurrera, "juevintxo" deritzon egunean auzoko kaleetan gertatzen den "kontrolik eza" salatzeko.
"Babes ezagatik eta erasoengatik itxita", "Erasoengatik eta beldurragatik itxita", "Erasoengatik eta bandalismoagatik itxita" edo "Erasoengatik eta segurtasun faltagatik itxita" bezalako mezuak zintzilikatu dituzte tabernetako pertsianetan.
"Edalontzia bete duen tanta", Juan Carlos Oroz Nafarroako Ostalaritza Enpresa Txikien Elkarteko bozeramaileak Efe albiste-agentziari azaldu zionez, Iruñeko alde zaharreko taberna bateko arduradunak ostiralean jaso zuen jipoia izan da.
Ostalaria 22:00ak aldera eraman zuten ospitalera, hainbat gaztek tabernan izandako istilu batengatik jipoitu ostean. Udaltzaingoa gertaera ikertzen ari da.
Itziarrek, Don Lluis tabernako zerbitzariaren, Toñoren (biktima), emazteak, eta Cristina zerbitzariak gertatutakoa azaldu dute Radio Euskadiko 'Boulevard' irratsaioan. 40 urtetan antzekorik ez dute bizi. "Neurririk gabeko hiru ostegun izan dira", salatu dute.
"Uztailak 6 ematen du, kaleko jendetza ikusita", azpimarratu dute. Aspaldi honetan, "giroan urduritasuna" nabaritzen dela uste dute zerbitzariek. Bi ostalariek azaldu dutenez, gazteak "17:00etarako mozkor daude dagoeneko", eta ordurako irainak eta borrokaldiak hasten dira.
Iruñean, ostegunetako arratsalde-gauean "juevintxo" delakoa ematen zen covid-19a baino lehen. Ostalariek kalitatezko ardo bat eta pintxo bat eskaintzen zituzten, bi eurotan, eta horrek egun horretan ostalaritzako lokaletara joateko ohitura sortu zuen hirian.
CONTENIDO NO ENCONTRADO
Baina orain "ostalariek ez dute jendea erakartzeko ekitaldirik egiten, inork ez du egiten", adierazi du Orozek, eta deitoratu du "hitz hori erabiltzen jarraitzen dutela eta nolabait seinalatuak sentitzen garela, gu jendetzari deituko liokeen ekitaldi bat sortzen ariko bagina bezala, eta hori errealitatetik urrun dago".
Gazteak alde zaharrera joaten dira "ostegunetan irteteko ohitura hartu dutelako" eta "giroa beraiek sortzen dute kaleetan, batez ere botiloiarekin, eta guk ezin dugu hori kontrolatu".
Aipatu duenez, itxiera ez du elkarte batek antolatu, San Nikolas kaleko ostalarien artean sortu da, bertan baitago erasoa jasan duen ostalariaren establezimendua, eta beste zonalde batzuetako lokalak atxiki zaizkio.
Helburua "kaleetan dagoen kontrolik eza eta segurtasun falta salatzea da. Nahikoa da esatea erabaki dugu eta honaino iritsi gara".
Anapeh elkarteak eta Asbanak protesta babestu dute. Ordutegiak luzatzea, barran kontsumoa baimentzea eta gaueko aisialdia hiriko beste zonalde batzuetara zabaltzea proposatu dute, hiriko toki batzuetan jendetzak saihesteko.
"Kanpoaldean jokabide guztiak onartzea, eta behin etxeratzeko agindua bukatuta, ostalaritzari ohiko ordutegiak berreskuratzeko aukerarik ez ematea ez dugu ulertzen, bereziki gaueko aisialdiari, diskoteka eta taberna bereziei dagokionean", ziurtatu dute elkarteek.
Neurriak malgutzearekin batera pertsonak hiriko zonalde ezberdinetan sakabanatuko liratekeela uste dute ostalariek, taberna gehiagotan, alegia, "arazoak sortzen dituzten jende pilaketak saihestuz".
Albiste gehiago ekonomia
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.