Eduardo Zubiaurre: "Energiaren lege dekretuak efektu katastrofikoa izan du industrian"
Eduardo Zubiaurre Confebaskeko presidenteak azpimarratu duenez, "euskal ekonomia, mundu osokoa bezala, moteltzen ari da", besteak beste energiaren prezioaren gorakadarengatik eta ekoizpenerako osagarrien faltagatik. Radio Euskadin egin dioten elkarrizketan azaldu du industriak "epe ertain eta luzerako kontratuak eta prezio nahiko egonkorrak" zituela argindar konpainiekin, eta hori guztia "behera etorri" dela energiaren lege dekretuarekin; "efektu katastrofikoa izan du industrian", adierazi du.
Izan ere, Zubiarrek esan duenez, lege dekretu horren ondorioz "argindar konpainiek ezin izan diete eutsi prezio finkoetako kontratuei". Edonola ere, Zubiaurre itxaropentsu agertu da Espainiako Gobernuak lege dekretu horretan egin ditzakeen aldaketekin. Hain zuzen ere, Trantsizio Ekologikoko eta Erronka Demografikoko ministro Teresa Ribera, "Eusko Jaurlaritzak egin dizkion proposamenekin harbera agertu da".
Lan erreformaren legearen indargabetzeari buruz galdetuta, Zubiaurrek azaldu du EAEko sektore pribatuan, behin-behinekotasun maila Europakoaren parekoa dela ia "10 langiletik ia 8 kontratu mugagabearekin ari dira", are, esan du "kontratu mugagabeen marka historikoa hautsi" dela.
Pentsioen erreformari dagokionez, bestalde, ohartarazi du ez direla haiek jasangarri egiteko erabakiak hartzen ari, eta gogorarazi du "datorren urtean 30.000 milioi inguruko defizita" egongo dela pentsioetan, eta "defizit orokorra 90.000 milioikoa" dela. Bere ustez, jendearen gustukoak ez diren neurriak hartu beharko dira, "jubilazio adina atzeratzea eta kopuruak doitzea", besteak beste.
Ekonomia gaiez gain, atzo, urriak 18, EH Bilduk eta Sortuk egindako adierazpenaz galdetuta, esan du faltan bota duela "gutxieneko balorazio kritiko" bat. Zubiaurrek gogorarazi du enpresen arloa ETAren jomuga izan zela sarri eta, bere ustez, "irmotasun, koherentzia, aitorpena eta gaitzespen askoz ere argiagoak behar dira".
Azpimarratu du asko izan zirela eraildako, estortsioa egindako eta bahitutako enpresariak eta ETAren amaierak "arnas eman zuen", are, azken urteetan "bereziki krudelak" izan zirela kontuan hartuta. ETAren amaierak "zalantzarik gabe" euskal ekonomia loratzea ahalbidetu du bere ustez.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.