Urkulluk positibotzat jo du EH Bilduren adierazpena, baina ETAk ez zuela existitu behar onartzeko eskatu du
Iñigo Urkullu lehendakariak gaur goizean berretsi du positiboa dela EH Bilduk ETAren biktimen sufrimendua bere egitea, baina iraganaren autokritika egin ez duenez, eta ETAk ez zuela existitu behar esan ez duenez, ez zaio "ohiz kanpoko edo berezia" iruditu atzo publiko egindako adierazpena.
Catalunya Radion egindako elkarrizketa batean, Urkulluk nabarmendu du atzoko agiria "garrantzitsua" dela biktimekiko "enpatiari" eta "sufrimenduari" dagokienez. Hala ere, balorazio "positiboa" egin arren, lehendakariaren ustez, "ez dago ezer bereziki berririk".
Indarkeria tresna guztiz bidegabea izan zela eta ez zuela Euskal Herriaren bizimodu politikoa baldintzatu behar azpìmarratu du lehendakariak, eta bere iraganaren "autokritika ariketa bat" egitea beharrezkotzat jo du.
Carlos Iturgaiz Euskadiko Alderdi Popularreko presidenteak adierazpenaren harira esandakoaren aurrean, EH Bilduren adierazpena "txantxa makabroa" izan dela eta Otegik "biktimei barre" egiten diela, lehendakariak ez du uste ezker abertzaleak biktimei barre egiten dienik; izan ere, "legeztatzeko ibilbide bat" egin behar izan du, "indarkeriarik gabeko etorkizun baten alde" egiten zuten estatutuekin.
Urkulluren hitzetan, baina, ezker abertzaleak aitortu behar du "ETAk ez zuela inoiz existitu behar edo ETAren indarkeria guztiz bidegabea izan zela".
Arnaldo Otegi EH Bilduko koordinatzaile nagusiak eta Arkaitz Rodriguez Sortuko idazkari nagusiak adierazpen "solemnea" egin zuten atzo Aieteko Konferentziaren hamargarren urteurrena eta ETAren indarkeriaren amaiera gogoratzeko. Agerraldian, "atsekabea eta samina" agertu zuten ETAren biktimek jasandako sufrimenduagatik, eta "hura ez zela inoiz gertatu behar" adierazi zuten.
Zure interesekoa izan daiteke
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.