Yolanda Díaz: "Lan merkatuaren erreforma handiarekin hasiko dugu urtea"
Yolanda Díaz Espainiako Gobernuko bigarren presidenteorde eta Lan eta Ekonomia Sozialeko ministroak iragarri du 2022a "lan merkatuaren erreforma handiarekin" hasiko dela, lantzen ari diren Lan Erreformari erreferentzia eginez.
ETB2ko '12 minutos' saioan egindako elkarrizketan buruzagi galiziarrak aurreratu duenez, datorren aste honetan bertan egon daitezke berrikuntzak fintzen ari diren testuaren inguruan.
Diazen esanetan, Lan Erreformari buruzko akordioa iristear da, eta aste honetan "artikuluz artikulu idazten" aritu dira "urteko testu garrantzitsuena".
Arauaren puntu garrantzitsuenen harira, ministroak esan du "Espainiako behin behinekotasuna" landuko duela. "Europako anomalia gara, eta europartu egingo gara. 12,5 puntuko distantzia dugu behin behinekotasunean Europar Batasunarekiko, eta behin behinekotasuna prekarietatea da, bizitza prekarioak, bizitza txarak, lan prekarioak, eta enpresa prekarioak", gaineratu du.
Horren harira, erreforman "negoziazio kolektiboaren berroreka" sartuko omen dute, "oinarrizkoa baita enpresarien eta langileen harremanetarako".
Gainera, Aldi Baterako Lan Erregulazio Txostenen baliagarritasuna azpimarratu du, eta antzeko "barne malgutasun mekanismo bat" sartuko omen dute erreforman, "ehunka eta milaka lanpostu eta enpresa salbatzeko" balio izan duelako. "Oinarrizko pieza izango da", berretsi du.
EAJk euskal negoziazio kolektiboaren markoa blindatzeko egindako eskaerari dagokionez, adierazi du alderdi politikoekin hitz egiteko prest dagoela, baina ez du argitu puntu hori: "Oraindik ez dugu behin betiko testurik".
Proiektu politiko propioa
Azken asteotan asko hitz egin da Yolanda Diazek Espainiako politikan hartu duen ospeaz eta Espainiako gobernuburu izateko dituen aukerez, baina Diazek argi adierazi nahi izan du uneotan bere ardura bakarra "gobernatzea eta legegintzaldia amaitzea" dela.
Dena den, etorkizunari begira eskuartean proiektu politikoa duela aitortu du, baina ez dela "hautagaitza bat" izango, baizik eta herritarrak "entzuteko prozesu bat": "Uste dut nire herrialdeak herritarren arazoen inguruko elkarrizketa lasaiak, publikoak, behar dituela".
Bestalde, eta Ivan Redondok balizko hauteskunde aurrerapenari buruz esandakoak hizpide, esan du "inork ere ez" lukeela ulertuko "gure herrian hauteskundeak aurreratzea egoera zalantzati honetan, gaizki pasatzen duten pertsonak dauden bitartean".
Aita santuari bisita
Azkenik, presidenteordeak azpimarratu du ofiziala izan zela Francisco aita santuari egindako bisita, Espainiako Gobernuaren izenean egin zuela, eta salatu du eskuinetik kritikatzen dutenak "Voxen eskuin muturrak bahituta" daudela.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.