Hiru sindikatuak aurreratu du Madrilgo bilerak ez duela erabakiko garraiolariek abiatutako grebaren amaiera
Hiru sindikatuko garraiolari autonomoek Bilbora eraman dituzte protestak ostegun honetan, non Eusko Jaurlaritzaren eta Confebask patronalaren egoitzen aurrean bildu diren, batzuek zein besteek beren aldarrikapenak entzun zitzaten.
Komunikabideen aurrean, Jon Altuna sindikatuko eledunak esan du zain daudela Gobernuaren eta Espainiako Errepideko Garraioaren Batzorde Nazionalaren arteko bileran hartutako erabakiak ezagutzeko, baina horrek ez duela baldintzatuko duela hamaika egun abiatutako grebaren amaiera.
"Laguntza puntualak baino zerbait gehiago eskatzen dugu, hots, garraiolariei bizirik jarraitzeko aukera ematea, hau da, baldintza egokiak ziurtatzea kamioilari autonomoak desagertu ez daitezen", adierazi du.
Horretarako, beharrezkotzat jo du tarifak gastuen araberakoak izatea: "Enpresariei eskatu diegu prezio merke bat berma dezatela, eta Jaurlaritzari, berriz, laneko baldintzak ziurta ditzatela. Erregaiaren afera izan da egoera larritu duena, baina arazoa aurretik dator. Azken batean, aukera bakarra geneukan, jarduna eten eta borrokan hastea".
Hiruko ordezkari Alberto Nuñez, bestalde, orain arte Jaurlaritzarekin eta Nafarroako gobernuarekin izandako elkarrizketei buruz mintzatu da. "Gu ez gaude ordezkatuta Madrilen. Bertoko gobernuekin ari gara hizketan, eta esan digutenez gure proposamenak aztertu eta datorren astean erantzun bat emango digute. Oraingoz zain gaude, beraz", azpimarratu du. Gainera, argi utzi du gertatzen denaren arabera erabakiko dutela lanuzteari eustea ala bertan behera uztea.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.