Jaurlaritzak eta aldundiek 530 milioi euroko inbertsio estrategikoetarako egitasmoa aurkeztu dute
Iñigo Urkullu lehendakariak eta Araba, Bizkaia eta Gipuzkoako ahaldun nagusiek asteazken honetan iragarri dutenez, Euskal Autonomia Erkidegoko erakundeek inbertsio estrategikoetarako egitasmo bat martxan jarriko dute. Horrela, datozen bi urteetan 530 milioi euro aktibatzea espero dute, EAEko erakundeen baliabide propioekin bultzatutako proiektuen bidez.
'Inbertsio Estrategikoetarako Euskadiko Plana 2022-2024' aurkezteko prentsaurrekoa eman dute Urkulluk eta Unai Rementeria, Ramiro Gonzalez eta Markel Olano Bizkaia, Araba eta Gipuzkoako ahaldun nagusiek, hurrenez hurren.
Lehendakariak adierazi duenez, programaren bidez Euskadiko erakundeek "inbertsioaren aldeko apustua egiten dute, euskal ekonomia eraldatzeko eta suspertzeko palanka gisa".
Urkulluk azpimarratu duenez, agirian jasotako proiektuak EAEko administrazioen "baliabide propioekin" bultzatuko dituzte. Hala eta guztiz ere, proiektuen garapena "bizkortzea" posible izango da, Europako funtsak jasotzen dituzten unean.
Lehendakariak esan duenez, ekonomia suspertzeko "neurri gehigarri" bat da.
Inbertsio publikoa bultzatuko dute honako esparru hauetan:
-Osasunean eta pertsonen zaintzan: Osasunberri eta osasun-sistemen digitalizazioa barne.
-Bizialdi osoko ikaskuntzan, zaintzarekin lotutako enplegu feminizatuenetan arreta berezia jarrita.
-Energia berriztagarrietan: hidrogeno-korridorea
-Mugikortasun iraunkorrean
-Digitalizazioan eta Berrikuntzan; Industriari aplikatutako ingurumenaren gaineko nazioarteko erreferentzia-zentroa, Euskadi konputazio kualitatiboaren hub gisa kokatzeko apustu irmoa eginez.
-Hiri-habitatean: auzo kalteberetan esku hartzeko Opengela programa ezarriz.
-Habitat naturalean eta hondamendi naturalen prebentzioan
-Ekonomia zirkularrean
Zure interesekoa izan daiteke
EAEko apartamentu turistikoetako gaualdiak % 23,3 igo dira uztailean, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete berarekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.