Garbitzaileen grebaren auzian Cebek-ek egindako eskaintza kritikatu du LABek protesta batekin
LAB sindikatuak deituta, Bizkaiko garbitzaileek protesta egin dute Cebek patronalak Bilbon duen egoitzaren aurrean. Euren zortzigarren greba egunean, negoziazioan dagoen "blokeoa" salatu eta patronalak egin berri dien proposamena euren eskaeretatik "oso urrun" dagoela azpimarratu dute.
Azaldu dutenez, Cebek-ek "letra txikia eta tranpa" duen proposamena egin dio sindikatuari. Langileek eskatzen duten 1.200 euroko soldata onartzen omen dute enpresaburuen ordezkariek, baina "2025ean egiteko". Sindikatuaren esanetan, hiru urte barru "inflazioa dagoen bezala, 1.200 euroak ezerezean geratuko lirateke", praktikan % 2ko soldata igoera delako, "eta langileek eskatzen duten horretatik oso urrun" dagoelako.
Sindikatuko iturriek zehaztu dutenez, garbitzaileek haizagailu handi bat erabili dute gaurko protestan, txikitutako paperez betetako sei poltsa Cebek-en egoitzaren aurrean zabaltzeko. Halaber, zaborra utzi dute atarian, eta "CEBEK, garbiketaren hitzarmena barik, kaka zure mahaia gainean dago" leloa zeraman pankarta zabaldu dute.
10 minutuko "ekintza" izan da, langileen ordezkarien arabera. Ondoren, Ertzaintza bertaratu da eta bi pertsona identifikatu ditu. Langileoi isuna jarriko omen diete kalea zikintzeagatik eta sarbidea oztopatzeagatik.
Bizkaiko garbitzaileen zortzigarren greba eguna da gaurkoa. Lan hitzarmena berritzea eskatzen dute, eta besteak beste, 15 ordainsaritan banatutako 1.200 euroko soldata aitortzea. Eguerdian manifestazioa egin dute langileek, Bilboko udaletxetik hasita, eta hura amaituta, Cebek-en egoitzara bueltatu dira berriro merkataritza sektoreko beharginekin kanpaldia egiteko.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.