Sanchezek garraio abonuen prezioa jaitsi eta 200 euroko txekea emango die pertsona zaurgarriei
Ukrainako gerrak eragindako inflazioaren gorakadari aurre egiteko asmoz, neurri-sorta berri bat jarriko du martxan Espainiako Gobernuak, 2022aren amaierara arte. Hala adierazi du gaur Pedro Sanchez presidenteak; neurriok 9.000 milioi euroko kostua izango dute, eta 15.000 milioira igoko da zenbateko osoa orain arte indarrean zeuden neurriak gehituz gero. Aurreikuspenen arabera, Kontsumoko Prezioen Indizea (KPI) 3,5 puntutan eustea lagunduko dute urtea amaitu arte.
Ezohiko Ministroen Kontseiluaren ostean emandako prentsaurrekoan, Sanchezek zehaztu du neurri-sorta berri hori aurrekontuaren ikuspuntutik aparteko ahalegina dela, 9.000 milioitik gorakoa, familiak eta enpresak babesteko gastuan 5.500 milioitan eta zerga-beherapenetan 3.500 milioitan banatuta. Horrela, abenduaren 31ra arte, 15.000 milioi euro inguru inbertituko dituze familiak eta enpresak babesteko, Espainiako BPGaren puntu bat baino gehiago.
Sanchezek iragarritako neurri berrien artean, eta garraio publikoaren erabilera sustatze aldera, irailaren 1etik aurrera Estatuko garraio-enpresen (Renfe, esaterako) hileko abonu guztien eta edozein motatako ordainketen prezioaren % 50eko murrizketa dago, eta % 30ekoa udalen eta autonomia-erkidegoen mende dauden garraio-modalitateen abonuetarako. Deskontu hori baliabide propioekin % 50eraino handitu daiteke.
Era berean, kotizazio gabeko erretiro- eta baliaezintasun-pentsioak % 15 igoko direla iragarri du, hau da, 60 euro gehiago hilean (360 euro hemendik urtearen amaierara arte). Halaber, 200 euroko zuzeneko laguntza bat emango du Gobernuak autonomoentzat eta diru-sarrera txikiko langabeentzat, uztailetik aurrera eskatu ahal izango dena. Gainera, butanoaren gehieneko prezioa mugatuko du, abenduaren 31ra arte.
Argindarraren ordainagiriaren BEZa % 10etik % 5era murriztuko dute, eta elektrizitatearekin lotutako gainerako neurriak mantenduko dituzte, hala nola bonu sozialaren deskontua handitzea, ekoizpenaren balioaren gaineko zerga etetea eta elektrizitatearen gaineko zerga minimora murriztea.
Erregaien esparruan, erregai-litroaren 20 zentimoko murrizketa mantenduko da urtearen amaierara arte.
Pertsona zaurgarrien babesa indartzeko helburuarekin, mantendu egingo dituzte Bizitzeko Gutxieneko Diru-sarreraren laguntzak, energia-hornidura eteteko debekua, alokairuen igoeraren gehieneko muga eta energia-kostuen igoerari lotutako kaleratzeak debekatzea Administrazioaren mendeko enpresetan.
Era berean, Gizarte Segurantzako kuoten ordainketa atzeratzea irailera arte luzatuko dute, gas-industria intentsiboarentzako zuzeneko laguntzak onartu dituzte, lehorterako laguntzak luzatuko dituzte eta Cumbre Vieja sumendiaren erupzioak kaltetutakoentzako laguntzak areagotuko dituzte.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.