EH Bilduk "munduan egoteko beste modu bat" defendatu du klima aldaketari aurre egiteko
EH Bilduk Hego Euskal Herrirako duen estrategia energetikoa aurkeztu du gaur Bilboko Euskalduna Jauregian.
Koalizioak azpimarratu duenez, "larrialdi ekologiko eta klimatikoaren eta krisi energetikoaren testuinguru historikoan gaude, eta Hego Euskal Herria egoera oso ahulean dago. Arazoa kolosala da; arazo hori erronka handitzat hartu behar dugu, eraldaketa integralerako aukera bihurtu ahal izateko".
Arnaldo Otegi koordinatzaile nagusiak, Pello Otxandiano programa zuzendariak eta Mikel Otero trantsizio energetikorako idazkariak parte hartu dute ekitaldian, eta azpimarratu dute trantsizio energetikoak "eraldaketa ekosozialaren palanka izan behar duela, beste ekoizpen eta kontsumo modu batzuetara eramango gaituena".
Klima aldaketaren erronkari aurre egiteko helburuaz gain, EH Bilduk gaur aurkeztutako estrategiarekin herrialdearentzako "subiranotasun maila handiagoa bilatzen du. Hau da, gure energia-kontsumoa lurralderatzea, gure kontsumoez arduratzea eta, beraz, geure lurraldean energia nola sor dezakegun aztertzea, autosufizientzia-maila handia lortzeko; eta, era berean, ekoizpen-bitartekoak demokratizatzea".
EH Bilduk aitortu du gaur aurkeztutako dokumentua ez dela energia plangintza bat, baizik eta trantsizio energetikorako "norabide politikoa eta oinarri estrategikoak".
Estrategia zedarritzen duten "oinarrizko printzipio" horien artean daude klima aldaketari aurre egiteko betebeharra ("ez dago beste aukerarik"), egungo marko energetikoaren zaurgarritasuna, subiranotasun energetikoa, kontsumo ohituren aldaketa, autosufizientzia, % 100 berriztagarriak diren energien ustiapena, beharren kudeaketa kolektiboa, politika horiek sustatzeko bultzada publikoa, energia sektorearen demokratizazioa eta interes komuna gailentzea.
"Balioen iraultza"
Horren harira, Otegik esan du "balioen iraultza" egin beharra dagoela klima aldaketari eta energia krisiari aurre egiteko, "euskal irtenbideekin, eredu komunitarioa defendatuz".
Koalizioaren koordinatzaile nagusiak uste du "mundu osoan zabaldu diren balio batzuk irauli" egin behar direla, "ugaritasuna bilatzen dutenak, mendebaldeko gizarteetan bereziki indartsu egin direnak".
"Ezin diogu aurre egin energia krisiari eta krisi klimatikoari mundua eta Euskal Herria beste modu batean pentsatzen ez baditugu", adierazi du, EH Bilduren eredua "komunitarioa, guztion artean egindakoa eta herrialdearen interesera egina" izango dela azpimarratu aurretik.
Balio aldaketa horrek "abangoardian" jarriko omen luke Euskal Herria, eta euskal herritarrak "solidarioagoak, internazionalistagoak eta ziurrenik zoriontsuagoak" egingo lituzke, bere esanetan.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.