Busturiko eta Lea Artibaiko Bizkaibuseko langileek lan-uzte gehiago egingo dituzte
Bizkaibuseko Busturia Lea Artibai Buseko (BLB) langileak lanuzteak egiten hasiko dira larunbat honetan, merkealdiarekin batera, eta guztira 31 lanuzte egingo dituzte 2023ko lehenengo hiruhilekoan, lan-hitzarmena berritzea eta KPIaren araberako soldata igoera eskatzeko.
UGTk jakinarazi duenez, larunbat honetan lanuzteak 10:15 eta 14:40 artean eta 18:15etik 22:30era izango dira BLBren esku dauden ibilbideetan, hau da, Bilbo Bermeorekin, Lekeitiorekin, Ondarroarkein, Gernikarekin, Mungiarekin, Ermuarekin, EHUrekin eta Galdakaoko Ospitalerekin lotzen dituenetan.
Oscar Lopez enpresa batzordeko presidentearen esanetan, hiru hilabetez lanuzteak egin ostean, enpresak azkenean sindikatuetako ordezkariak deitu ditu lan-hitzarmena negoziatzeko bilera baterako, eta hori "albiste ona" dela iritzi dio.
Batzordeko ordezkariak "irtenbidea aurkitzeko asmoz" bertaratuko omen dira, bestela "gatazka luzatu egingo da eta eragina izango du BLB enpresaren esku dauden ibilbideetako erabiltzaileen artean".
Larunbat honetako mobilizazioaren ostean, Busturiko eta Lea Artibaiko langileek lanuzteak egingo dituzte 6:25etik 9:35era, 13:15etik 16:30era eta 17:55etik 21:35era urtarrilaren 10ean, 13an, 16an, 19an, 20an, 24an, 27an eta 31n. Hilaren 14an, berriz, lanuztea 10:15etik 14:40era eta 18:15etik 22:30era izango da.
Otsailean egun osoko greba egingo dute 6ean, eta lanuzteak 2an, 3an, 8an, 10an, 14an, 17an, 20an, 23an, 24an eta 28an. Martxoan, berriz, egun osoko greba 16an izango da, eta lanuzteak 2an, 3an, 6an, 8an, 11n, 17an, 21ean, 22an, 24an, 27an eta 31n.
Egun osoko greben kasuan, manifestazioak egingo dituzte Bilbon, eta elkarretaratzea Aldundiaren egoitza parean. Gainera, hilean bitan elkarretaratzeak egingo dituzte Aparcavisaren egoitzaren aurrean.
UGTren ordezkariek (langile batzordean dagoen sindikatu bakarra) bitartekaritza egiteko eskatu dio Bizkaiko Foru Aldundiari, "Bizkaibus zerbitzuaren arduradun den heinean".
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".