Itsas robota 'Vilaboa Uno' ontzia hondoratu zen eremua arakatzen ari da, 120 metroko sakoneran
Guardia Zibilak Vilaboa Uno arrantza-ontzia hondoratu zen eremura bidalitako itsas robota hasi da lanean, 120 bat metroko sakoneran, irudiak lortu eta haren egoera zehatzago ezagutzeko; izan ere, oraindik desagertuta dagoen arrantzalea ontziaren barruan dagoela uste dute askok.
Irudiok aztertuta, Itsas Salbamenduak erabakiko du zein pauso eman.
Gainera, Itsas Istripuak eta Gertakariak Ikertzeko Batzorde Iraunkorra gaur bildu da aurrenekoz, hondoratzearen arrazoiak argitzeko. Lan-istripuan, bi arrantzale hil dira eta hirugarren batek desagertuta jarraitzen du.
Luis Planas Arrantza ministroak egin zuen iragarpena atzo, Miguel Angel Revilla Kantabriako presidentearekin batera, Santanderren Itsas Salbamenduarekin, Kantabriako Alturako Arrantza Ekoizleen Elkarteko presidentearekin, Vilaboa Uno ontziko armadorearekin eta marinelen senideen ordezkariekin bildu ostean.
Planasek esan zuenez, Guardia Zibilaren robot horrekin hondoratutako ontziaren egoera ezagutzea da helburua, "Itsas Salbamenduak eman beharreko hurrengo urratsak zehaztu ditzan".
"Gorpua lehenbailehen aurkitzea espero eta nahi dugu", adierazi zuen Arrantza ministroak, eta "ezinezkoa da senitartekoen atsekabea eta mina arintzea", gaineratu zuen.
Ministroarekin batera, Miguel Angel Revilla Kantabriako presidenteak egin zuen agerraldia, eta hildako arrantzaleetako baten familiaren "urduritasuna eta larritasuna" ulertzen duela esan zuen.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.