Nafarroako Gobernuak adierazi du Volkswagen bateriak muntatzeko lantegia Landabenen kokatzeko lanean ari dela
Nafarroako Volkswagen auto elektrikorako bateriak ekoizteko lantegia Landabengo fabrikan kokatzeko lanean ari omen da, sindikatuek eskatu bezala.
Nafarroako Gobernuak ohar baten bidez jakinarazi duenez, Nafarroako Gobernuko ordezkariek, Maria Chivite presidentea buru zutela, eta Volkswageneko zuzendariekin egindako bileraren ostean, enpresaren proiektu berriari buruzko informazio zehatza jaso eta lantegi berriaren diseinua ezagutu dute.
Foru Gobernuak, bere aldetik, Nafarroako Volkswageneko arduradunei jakinarazi die zer zerga eta laguntza esparrutara atxiki daitezkeen proiektua aurrera eramateko.
Foru Exekutiboaren eta Nafarroako Volkswageneko zuzendarien arteko bileraren albistea zuhurtziaz hartu dute sindikatuek, egitasmoaren berri baitzuten, baina baita VW lan horiek kanpora eramatea aztertzen ari dela ere.
Enpresa batzordeko iturriek aitortu dute ez dituztela batzar horren nondik norakoak ezagutzen, eta adierazi dute hori langileen eskaera bat dela, hau da, VWk berak bere gain hartzea bateria ekoizpena, horrek lanpostu gehiago sortuko lituzkeelako, "baina orain arte esan digute ez dagoela inbertsio hori egiteko behar den finantzaketarik". 300 milioi euro inguru behar omen dituzte horretarako.
"Badakigu proiektu bat dagoela fabrika barruan egiteko. Badakigu bideragarria eta errentagarria dela, baina oraingoz beharrezko finantzaketarik ez dutela esan digute. Aldi berean, badakigu, antza denez, beste hornitzaile batekin lanean ari direla prozesu horiek lantegitik kanpo egiteko", adierazi dute iturri berberek.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.