Macronek Aldizkari Ofizialean argitaratu du jada pentsioen erreforma
Emmanuel Macron Frantziako presidenteak ofizial egin du Gobernuak proposatutako pentsioen legearen erreforma, Kontseilu Kunstituzionalak arauaren puntu garrantzitsuenei oniritzia eman eta ordu batzuetara.
Goizaldeko lauak aldera argitaratu da erreforma Aldizkari Ofizialean, Frantziako Estatuan indarrean sartzen diren arau guztiak argitaratzen dituen dokumentuan.
Erretiroari buruzko legearen "lehenengo parrafoan hirurogeita bi hitza hirurogeita lau hitzarekin ordezkatuta", Frantziako Estatuak erretiro adina atzeratu du.
Eliseotik esana zuten Kontseilu Konstituzionalaren onarpenarekin batera iritsiko zela hurrengo pausoa, Macronen sinadura, nahiz eta kalean protestak eta istiluak ugari izan diren erreformaren aurka.
Kontseiluaren oniritziaren ondoren, sindikatuek uko egin zioten Macronen elkarrizketa gonbidapenari, erreformari uko egin ezean ez zirela bilduko erantzunda, eta maiatzaren 1erako manifestazio handi bat deituta.
Irailaren 1era arte ez litzateke lege berria indarrean sartuko eta lehenago, erabakia atzera botatzeko itxaropena dute sindikatuek.
Sindikatuak eta ezkerra, Macronen aurka
Sindikatuek eta ezkerreko indarrek gogor jo dute Macronen aurka; izan ere, legea indarrean jartzeko 15 eguneko epea bazuen ere, presidenteak ez du itxaron eta bart egin du.
Kalean tentsioa etengabekoa den une batean (bart 150 pertsona atxilotu dituzte Parisen eta Rennesen), Macronen izapide azkarrak are gehiago haserretu ditu sindikatuak eta alderdi ezkertiarrak, duela hiru hilabetetik erreformaren aurkako mobilizazioak antolatu dituztenak.
"Macronek Frantzia osoa azpiratu nahi du, gauez, langile guztiei bi urteko askatasuna lapurtuz. Harropuzkeria zentzugabea da. Legea baliogabetzeko borroka duintasun kontu bat da orain", adierazi du Twitterren Jean-Luc Melenchon buruzagi ezkertiarrak.
CFDT sindikatu nagusiak protestekin jarraitzeko deia egin du, "haserrea handia" delako.
Mezua frantziarrei
Emanuel Macronek erabakiaren inguruako mezua eta azalpenak telebista bidez emango dizkie herritarrei astelehenean, Eliseotik jakitera eman dutenez. 20:00etan hasiko da telebista bidezko agerraldia.
Albiste gehiago ekonomia
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.
Euskal ekonomia boskoiztu egin da 4 hamarkadatan
Zerbitzuen sektorea da aberastasun handiena sortzen duena. Industriak, aldiz, pisua galdu du euskal ekonomian. Enplegagarritasunak ere gora egin du urte hauetan, eta okupazio-tasa % 76ra iritsi da.
Amnistia Internazionalak Jerusalemgo trenaren proiektua bertan behera uzteko eskatu dio CAFi
Erakundeak azaldu duenez, Jerusalem Light Rail (JLR) proiektuak "legez kanpoko kokalekuak mantentzen, sendotzen eta okupatzen laguntzen du, eta baita Israelek Jerusalem ekialdea anexionatzen ere".