Gipuzkoak N-1ean eta A-15ean kamioei ezarritako bidesariari oniritzia eman dio EAEko Auzitegi Nagusiak
EAEko Justizia Auzitegi Nagusiak ontzat eman du Gipuzkoako Foru Aldundiak N-1ean eta A-15ean kamioiei ezarritako bidesaria, Fenadismer Espainiako Garraio Elkarteen Federazioak jarritako helegitea ia erabat baztertuta.
Kanona urtarrilean hasi zen kobratzen Aldundia, justiziak aurrez ezarritako beste biak (2018an eta 2021ean) baliogabetu ostean.
Fenadismer elkarteak berak eman du erabakiaren berri. Ohar batean, helegitearen puntuetako bat onartu diotela nabarmendu du elkarteak; izan ere, Auzitegiak ebatzi du foru arauak Europako araudia urratu zuela gutxien kutsatzen duten ibilgailu astunentzat deskonturik aurreikusi ez zuelako.
Dena dela, Gipuzkoako Foru Aldundiak puntu hori zuzendu zuen abenduan, eta, beraz, Fenadismerrek berak aitortu duenez, "epaiak ez du ondorio praktikorik izango".
Foru arauak aurreikusitakoaren arabera, motor eraginkorrak dituzten kamioiek eta garabiek tarifan % 15-25eko deskontuak izango dituzte, motorraren tipologiaren arabera. Beherapen horri maiztasunaren araberako deskontua gehituko zaio urrian, % 13rainoko deskontuak iragarri baitira.
Fenadismer garraiolarien elkarteak salatu du Gipuzkoako bidesariak "Europako garestienetakoak" direla. "Alemaniarekin alderatuta, % 30-40 altuagoak dira, eta Belgikakoak baino % 50 altuagoak. Bi herrialde horien errenta maila, ordea, hemengoa baino azkoz altuagoa da".
Aintzane Oiarbide Bide Azpiegituretako foru diputatua pozik agertu da albistearekin. "Guretzat egun pozgarria da", esan du; izan ere, nabarmendu duenez, "hasieratik" esan dute aitzindariak zirela Europako politiketan, eta "beti" izan dute Europaren babesa, orain arteko foru arau guztietan. Orain, "epaitegiak ere eman digu arrazoia".
"Denborak arrazoia eman digu", ondorioztatu du, eta "eskerrik handiena" eman dio bere talde osoari.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.