Urte arteko KPIa % 4,2ra igo da EAEn eta Nafarroan, apirilean
Urte arteko inflazioa % 4,2ra igo da Euskal Autonomia Erkidegoan (EAE) eta Nafarroan, apirilean, aurreko hilabetean baino 0,9 eta 0,7 puntu gehiago, hurrenez hurren, Espainiako Estatistika Institutuak gaur zabaldutako behin betiko datuen arabera.
Martxotik apirilera, ostera, inflazioa sei hamarren hazi da EAEn eta puntu bat, Nafarroan.
Urte arteko KPIa % 4,1era igo da apirilean Espainiako Estatuan. Martxoan urte arteko tasa % 3,3koa izan zen eta, beraz, zortzi hamarren egin du gora. Azken hilabetean, martxotik apirilera, prezioen igoera % 0,6koa izan da.
Erregaien garestitzeak eta elektrizitatearen prezioaren jaitsiera txikiagoak eragin dute, batez ere, inflazioaren igoera. Halaber, elikagaien prezio igoera apaldu bada ere, duela urtebete baino % 12,9 garestiagoak dira Espainiako Estatuan. 2022ko ekainetik izan den baxuena da.
Elikagaien prezioen igoera apaldu egin da EAEn eta Nafarroan ere. Urte arteko tasa, % 15,5etik % 12,6ra jaitsi da martxotik apirilera EAEn, eta % 16,5etik % 13,7ra Nafarroan.
Urte arteko tasan hauek dira gehien garestitu diren elikagaiak: azukrea (% 49,6); gurina (% 31,2); esne osoa (% 27,7); esne gaingabetua (% 27,5); saltsak eta bizigarriak (% 26,3); zerealak eta deribatuak (% 18,2); esnekiak (+%17,6); beste elikadura prestakin batzuk (% 16,6); patatak (% 16,5), eta txerri haragia (% 16,1).
Azpiko inflazioa, energia eta elikagai freskoak kontuan hartzen ez dituena, % 6,6raino jaitsi da apirilean, martxoan urte arteko tasa 0,9 puntu altuagoa izan baitzen. KPI orokorra baino 2,5 puntu altuagoa bada ere, bien arteko aldea 2022ko azarotik izandako txikiena da.
Zure interesekoa izan daiteke
Anthropic Burtsara aterako da gaur eta historiako burtsaratze handiena izango da: 85.670 milioi eurotik gora
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatuko dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan