AHTaren Bilboko sarbidea Jaurlaritzak eraikitzea onartu dute, eta lanak ez dira 2026a baino lehen hasiko
Jarduneko Ministroen Kontseiluak hitzarmenaren testua onartu du, Abiadura Handiko Trena (AHT) Bilbora sartzeko obra zibila idatzi eta eraikitzeko ardura Eusko Jaurlaritzari emateko. Nolanahi ere, lanak ez dira 2026 baino lehen hasiko.
Arantxa Tapia Ekonomia Garapenerako sailburuak esan du "albiste bikaina" dela Eusko Jaurlaritzak AHTaren Bilboko sarbidea egitea.
Garraio, Mugikortasun eta Hiri Agenda (Mitma) Ministerioak ohar baten bidez jakitera eman duenez, Eusko Jaurlaritza arduratuko da trena Bilbo-Abandoko geltokira sartzeko proiektuak idazteaz eta plataforma eraikitzeaz, 226,5 milioi euroko aurrekontuarekin. Aurrekontu hori Abiadura Handiko Agentziaren aurrekontutik aterako da, zeina Estatuko Aurrekontu Orokorren barruan dagoen.
Bestalde, Adifek prestatu eta egingo ditu trenbideko, elektrifikazioko, segurtasuneko eta komunikazioko instalazioetako eta trenbidekoak ez diren segurtasuneko instalazioetako lanak, horretarako 53,59 milioi euroko aurrekontua duela (BEZa barne).
Akordio honen bidez, Espainiako Gobernuak EAJrekin 2022ko Estatuko Aurrekontu Orokorren negoziazioetan adostutakoa betetzen da. EAJk pozik hartu du erabakia, jeltzaleek "behin eta berriro egindako eskakizunei esker" iritsi dela uste baitu.
Duela bi urte "mugarritzat" jo zuen Aitor Esteban Kongresuko jeltzaleen bozeramaileak akordioa, eta urrats horrek, "espero baino denbora gehiago" behar izan duen arren, azpiegituraren funtsezko zati bati —AHTa Bilbora sartzea— "behin betiko bultzada" emateko balioko duela adierazi du.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.