Renfen eta Adifen deitutako bost greba egunak bertan behera, Garraio Ministerioarekin akordioa lortu ondoren
Renfeko eta Adifeko langileek iragarriak zituzten bost greba egunak bertan behera geratu dira, sindikatuek Espainiako Gobernuko Garraio Ministerioarekin akordioa lortu ostean. Rodaliesen kudeaketa Generalitateari eskualdatzearen eta Renfe Merkantziak enpresa pribatizatzearen kontra zeuden deituta lanuzteak.
Bi aldeek bilera egin dute arratsaldean, eta amaieran baieztatu dute greba deialdia bertan behera geratu dela. Xehetasunik eman ez badute ere, akordioa adostu dutela ziurtatu dute.
Ostiral honetarako ez ezik, azaroaren 30erako abenduaren 1erako, 4rako eta 5erako ere deituta zituzten lanuzteak, Konstituzioaren zubiarekin batera
Sindikatuek Garraio Ministerioari jakinarazi diote kezkatuta daudela Rodaliesen eskumenaren transferentziarekin, eta Renfeko langileen eskubideak bermatzeko eskatu diote.
Zentralek ohartarazi dute adi egongo direla adostutako guztia betetzen dela bermatzeko, eta, hala ez bada, greba egun gehiago deituko dituztela azaldu dute.
Zure interesekoa izan daiteke
Talgok 756 milioi euroko kontratua sinatu du Suedian tren flota berri bat ekoizteko
Kontratu honekin, Talgoren eskaera zorroak 6.500 milioi eurora iritsi da, inoizko gehien.
Donostiako ospitaleko eta Txagorritxuko medikuek ez dute gaurdanik arratsaldeko txandan aparteko ordurik egingo
Bestalde, Zumarragako Ospitaleak apirilaren 27tik aurrera egingo du bat protestarekin, eta Bizkaiko ospitaleek maiatzetik hasita. Indarrean duten grebak "furiturik eman ez duela" ikusita erabaki dute neurri berri hori hartzea.
Petrolioa % 5 baino gehiago igo da, 95 dolarreraino, eta Europako burtsetan beherakada izatea aurreikusi da
Estatu Batuen eta Iranen arteko gatazka gaiztotu egin da berriro astelehen honetako lehen orduetan eta eragina izan du horrek petrolioaren prezioan. Ormuzko itsasartean tentsioa areagotu da, AEBk Omango golkoan tona askoko Irango zamaontzi bat jo baitu. Washingtonek Irango portuen gainean ezarritako blokeoa gainditu nahian zihoan ontzia.
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.