Sektore zahartua: jabeen % 30ek 65 urtetik gora dituzte
Euskadin eta Nafarroan, ia 25.000 pertsona ari dira gaur egun lehen sektorean lanean: 11.483 EAEn eta 12.595 Nafarroan. Datu horrek enpleguen % 15eko galera adierazten du Euskal Autonomia Erkidegoan, 2009. urteko datuekin alderatuta. Nafarroan, aldiz, % 2 igo da lehen sektorean lan egiten dutenen kopurua.
Lehen sektoreak Euskadiko enpleguaren % 1,2 hartzen du, eta Nafarroakoaren % 4. Estatu mailan, lehen sektoreko enpleguan pisu txikiena duten autonomia erkidegoen artean dago Euskadi, Kataluniaren atzetik (% 1,4) eta Balearren (% 0,9) eta Madrilgo Erkidegoaren (% 0,1) gainetik.
Enplegu galera horretan, berebiziko garrantzia du sektorearen zahartzeak. Euskadin, guztira, hamar langiletik bat da 60 urtetik gorakoa; Nafarroan (% 9) eta Estatuan (% 8,8) baino handiagoa da indize hori EAEn.
Hala ere, zahartzearen eragina askoz nabarmenagoa da lehen sektorean: Euskadin eta Nafarroan lehen sektorean lan egiten dutenen % 15ek dituzte 60 urte baino gehiago; Estatuan, % 13,4 dira, eta ustiapenen jabeen % 30ek 65 urtetik gora dituzte.
Euskadin, beste bi sektore baino ez daude zahartuago: gizarte zerbitzuena eta etxeko langileena.
Bestalde, EAEko lehen sektoreko enpleguaren % 48,4 norberaren konturakoa da, eta datu hori are handiagoa da nekazaritzari eta abeltzaintzari soilik begiratzen badiegu.
Gainera, EITB Datak emakumeen presentzia eskasa azpimarratzen du, besteren konturako lanean: % 13,6koa da Euskadin, Estatu osoko daturik txikiena. Norberaren konturako enpleguan, aldiz, ratioa % 38,1ekoa da lehen sektorean bertan, Estatuko daturik onenetakoa.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.