Banketxeek transferentziak 10 segundoan eta komisio gehigarririk gabe egin beharko dituzte 2025etik aurrera
Facua-Consumidores en Accion erakundeak jakinarazi duenez, Europako araudi berri batek finantza-erakundeak behartuko ditu transferentziak hartzaileengana gehienez ere 10 segundotan iristera, eta ohiko transferentziei ezin izango diete komisio gehigarririk aplikatu; izan ere, orain arte zenbait banketxek 12 eurorainoko komisioa aplikatzen dute. Itxura guztien arabera, neurria 2025aren amaieran egongo da indarrean.
Europako Parlamentuak Europako ordainketen araudia eguneratzea onartu du, eta ransferentzia guztiak online bankak edo Bizumek eskaintzen dutenarekin parekatu nahi dute, hau da, transferentzia guztiak doakoak eta berehalakoak izatea.
Neurri berriak jasotzen duenez, banku-transferentziak egikarituko dira eguna eta ordua edozein direla ere, eta hartzaileari 10 segundo baino gutxiagoko epean iritsi beharko zaio ditua. Denbora horretan, dirua behar bezala jaso dela ere jakinarazi beharko zaio ordaintzaileari. Denboraz gain, araudiak zehazten du transferentzia horien kostua doakoak izango dela.
Neurri gehigarri gisa, iruzurraren aurkako neurriak ezartzera ere behartuko du araudiak, diruaren mugimendi egokiak ziurtatzeko. Bankuek nortasuna egiaztatzeko sistema bat izan beharko dute; askok jada eskaintzen dute, baina aurrerantzean nahitaezkoa izango da.
Araudi aldaketa Europako Parlamentuak onartu ondoren, Europar Batasunaren Egunkari Ofizialean argitaratuko da, eta 20 egun pasa ondotik, herrialdeek 12 hilabete izango dituzte araudia martxan jartzeko, eta, hortaz, banketxeek hura betetzera behartzeko.
Araudia Europako Parlamentuarena denez, euroa erabiltzen ez duten herrialdeei ere aplikatuko zaie, baina egokitzapen-epe luzeagoa izango dute. Europako bankuek arau berri hori betetzen ez badute, zigorrak izango dituzte.
Albiste gehiago ekonomia
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Gasteizko lorezainen grebarekin amaitzeko Jaurlaritzak egindako proposamena ez dela nahikoa uste dute sindikatuek
Eusko Jaurlaritzak langileen greba mugagabearekin amaitzeko proposamen bat egin die sindikatuei eta Enviserreko zuzendaritzari. Proposamen horren arabera, KPI + % 2,2ko soldata-igoera izango da aurten, % 2koa 2026rako eta 2027rako, eta 2250 eurokoa 2028rako. Enviserrek onartu egin du planteamendu hori, eta ESKk eta LABek, berriz, uste dute igoera "ez dela nahikoa", nahiz eta konpromisoa hartu duten proposamena barne-organoei helarazteko.
Emakume bat larri zauritu da Azagran lan-istripu batean
Pisuak altxatzeko orga batek harrapatu du langilea eta ospitalera eraman dute, aldaka hautsita.
EB eta AEB, muga-zergei buruzko “atariko akordioa” lortzear
Trumpek akordiorako jarritako epemuga asteazkenean, uztailaren 9an, amaituko da, eta AEBko Merkataritza idazkariak esan du abuztuaren 1ean jarriko dituztela indarrean muga-zergak.
AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.
Gasteizko lorezainek negoziazioari berrekingo diote astelehen honetan, Jaurlaritzaren bitartekaritzarekin
Lan Sailak langileak eta Enviser enpresa deitu ditu bilera batera astelehen honetan, grebaren 100. egunean.
Villavesen grebak aurrera jarraitzen du, Mankomunitatearen bitartekaritzarekin ere aurrerapausorik izan ez delako
Langileek manifestazioa egin dute arratsaldean, Labriteko Aldapatik abiatu eta Nafarroako Parlamenturaino, eta ehunka herritarren babesa jaso dute.
BSHko eta Villavesako langileak elkarrekin manifestatu dira enpleguaren alde
Ezkirozko lantegiaren bideragarritasuna aldarrikatzeko manifestatu dira larunbat honetan, Iruñean.
Europako Inbertsio Bankuak 45 milioiko mailegua eman dio Ulma kooperatiba talde gipuzkoarrari
Gipuzkoako kooperatiba-taldeak fabrikazio-teknologia aurreratuak finantzatuko ditu eraikuntza-negozio lerroan eta hormigoi polimerozko soluzio arkitektonikoak. Akordioak, halaber, eraikuntzarako material jasangarri berriak fabrikatzeko planta berri bat eraikitzeko beharrezko inbertsioak bultzatuko ditu.
Gasteizko lorezainen manifestazioa, Eusko Jaurlaritzaren bitartekaritzaren berri izan ondoren
Gasteizko lorezainen sindikatuek positibotzat jo dute Eusko Jaurlaritzako Lan Sailaren bitartekotza. Jaurlaritzak langileen ordezkariak eta Gasteizko lorategiak kudeatzen dituen Enviser enpresa deitu ditu 100 egun bete dituen lan-gatazkan bitartekari izateko.