3.131 langabe gutxiago zenbatu dituzte EAEn eta 462 gutxiago Nafarroan, maiatzean
Bigarren hilabetez jarraian langabeziak behera egin du Euskal Autonomia Erkidegoan (EAE) eta hirugarrenez Nafarroan, maiatzean. Jaitsiera handiagoa izan da EAEn (% 2,86) Nafarroan baino (% 1,53), Eusko Jaurlaritzako Lan eta Enplegu Sailak eta Lan eta Gizarte Ekonomia Ministerioak eta astearte honetan argitaratutako datuen arabera.
Lanbide EAEko enplegu zerbitzu publikoan 106.422 pertsona zeuden langabe gisa erregistratuta maiatzean, apirilean baino 3.131 gutxiago. Nafarroan 462 langabe gutxiago zenbatu dituzte maiatzean, eta guztira 29.779 dira lanik gabe daudenak.
Iazko maiatzetik aurtengo maiatzera, 853 langabe gutxiago daude (% 0,8) EAEn. Nafarroan % 0,78ko jaitsiera izan da, hau da, 233 langabe gutxiago.
EAEko hiru lurraldeetan jaitsi da langabeen kopurua apirilaren aldean: Araban 725 langabe gutxiago (% 3,86), Gipuzkoan 1.009 gutxiago (% 3,46) eta Bizkaian 1.397 gutxiago daude (% 2,27). Araban eta Bizkaian jaitsi egin da langabeen kopurua iazko datuekin alderatuta, 910 (% 4,79) eta 20 langabe gutxiago (% 0,03) izan baitira, hurrenez hurren. Gipuzkoan, aldiz, iaz baino 77 lagun gehiago zeuden lanik gabe (% 0,27).
Zerbitzuen sektorean jaitsi da batez ere langabezia, aurreko hilabetean baino 2.826 langabe gutxiago zenbatu baitira. Gainerako sektoreetan jaitsiera txikiagoa izan da: Industrian 154 gutxiago, eraikuntzan 136 gutxiago eta nekazaritzan 80 gutxiago.
Espainiako Estatuan % 2,20 behera egin du langabeziak, eta aurreko hilabetearekin alderatuta, 58. 650pertsona gutxiago zeuden lanik gabe. Hala, 2.607.850 langabe daude, azken urtean % 4,79 behera eginda (131.260 langabe gutxiago).
Afiliazio eta kontratazio datuak
Afiliazioari dagokionez, EAEn, maiatzean, 1.019.213, afiliatu zeuden Gizarte Segurantzan, hau da, apirilean baino 5.497 gehiago (+ % 0,54), Gizarteratze, Gizarte Segurantza eta Migrazio Ministerioak astearte honetan argitaratutako datuen arabera.
Halaber, 2023ko maiatzean baino 16.627 kotizatzaile gehiago daude iaz baino % 1,66 gehiago.
Laugarren hilabetez jarraian afiliazioak gora egin du, urtarrilean 9.756 kotizatzaile galdu ostean.
Kontratazioari dagokionez, maiatzean 62.794 kontratu berri sinatu dira EAEn, eta horietatik 14.705, % 23,42, ia lautik bat, mugagabeak izan dira.
Nafarroan 3089 afiliatu irabazi ditu Gizarte Segurantzak, % 1 gehiago apiriletik, eta 311 263 dira kotizatzen dutenak. 2023ko maiatzarekin alderatuta, 4.733 afiliatu gehiago daude, hau da, % 1,54 gehiago. Gainera, 23.951 kontratu sinatu dira, aurreko hilabetean baino % 12 gehiago, eta horietatik 5.085 mugagabeak izan dira eta 18.866 aldi baterakoak.
Espainiako Estatuari dagokionez, Gizarte Segurantzan izena emanda dauden kopuruak errekor berria ezarri du. Guztira 21.321.794 afiliatu daude, hilabete bakar batean ia 220.289 irabazita.
Eusko Jaurlaritzaren eta Nafarroako Gobernuaren balorazioa
Eusko Jaurlaritzako Lan eta Enplegu Sailak azpimarratu duenez, Gizarte Segurantzako afiliazioaren errekor berriak (1.019.213 afiliatu) enplegu gehiago eta hobearen lurzorua "egonkortzen" du.
Sailak gaur goizean bidalitako oharraren arabera, amaitzen ari den legegintzaldia enpleguaren legegintzaldia izan da, 2020ko abuztuan baino 40.000 pertsona gutxiago baitaude lanik gabe eta ia 81.000 gehiago, berriz, Gizarte Segurantzan izena emanda. Gainera, maiatzeko langabezia datua 2008tik izandako baxuena da.
Bestalde, azpimarratu du milioi bat afiliaturen zenbakia "egonkortu" egin dela.
Nafarroako Gobernuak, bere aldetik, afiliazioari buruzko datua inoizko onenak izan dela azpimarratu du: 311.263 bataz beste.
Enpleguari buruzko datuak "hobera" joatea espero du ELAk
EAEn eta Nafarroan enpleguari buruzko datuak "txarrak" ez izan arren, "hobera" joatea espero du ELAk. Sindikatuaren arabera, oraindik ere bide luzea dago egiteko Europako batez bestekora iristeko. Halaber, salatu du maiatzean sinatutako kontratuen % 77 aldi baterakoak izan zirela.
Prekaritatean oinarrituriko eredu sozioekonomikoa "finkatzen" ari dela salatu du LABek
Langabeziak behera egiten ari bada, prekaritatean oinarrituriko eredu sozioekonomikoa finkatzen ari delako dela salatu du LAB sindikatuak. Horren esanetan, "enplegu prekarioa egiturazkoa da, lan baldintzei erreparatuz eta zerbitzuetan oinarrituriko ekonomia finkatu dela kontutan hartzen badugu".
Zure interesekoa izan daiteke
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.