Gipuzkoan sortutako kolapsoa gorabehera, trafiko kudeaketaren irakurketa "positiboa" egin du Jaurlaritzak
Lehen sektoreko profesionalek traktoreekin egindako protesten amaierak Gipuzkoako ipar ekialdeko errepide nagusiak kolapsatu zituzten atzo, asteartea. Sortutako auto-ilara luzeak gorabehera, ordea, trafiko kudeaketaren irakurketa "positiboa" egin du Rodrigo Gartzia Eusko Jaurlaritzako Segurtasun sailburuordeak Euskadi Irratian.
"Neurriak hartu genituen, protesten eraginez arazoak sor litezkeelako zirkulazioan. Zailtasunak egon ziren garraioentzako, baina balorazioa positiboa da, bide zein hiri segurtasunaren aldetik ez baita istilurik egon", adierazi du Gartziak.
Segurtasun sailburuordeak nabarmendu duenez, "batzuen eta besteen eskubideak" bermatu behar dira kasu hauetan. Hala, garraiolarien haserrea "ulertzekoa" dela gaineratu du, geldirik igaro duten ordu bakoitzeko diru galdu baitute.
Auto-ilarak Hego Euskal Herritik Ipar Euskal Herrirako norabidean sortu ziren; kontrako noranzkoan ez, ordea, jendarmeek kamioi batzuk pasatzen utzi zituztelako. "Frantziako nekazariek kamioiak tarteka ateratzea onartu zuten, baina gurean ez zen halakorik gertatu. Horrek eragina izan du mugaren alde batean zein bestean sortutako auto-ilaretan", azaldu du Gartziak.
Segurtasun sailburuorderen arabera, zenbait gomendio eman ziren zirkulazioan sor litezkeen arazoak saihesteko. Ildo horretatik, protesta egiten dutenek "haien eskubideak" dituztela esan du, eta Ertzaintzak zein Udaltzaingoak egindako lana eskertu du, ez baitzen "ezer" gertatu.
Astelehenean hasi ziren blokeoarekin nekazariak, sektoreko erregai eta energia zergak murrizteko eta Europako Batasunetik kanpoko elikagaiei mugak jartzeko eskatu dute. Gobernuei urrira arteko epea eman diete aldarri horiek betetzeko, baina betetzen ez badira "24 orduz baino gehiago ixteko prest" daudela ohartarazi dute.
A-15, AP-1 eta AP-8 errepideetan aurrekaririk gabeko ilarak sortu ziren; 40 kilometroko auto ilarak zenbatu dituzte une zailenetan. Arratsaldeak aurrera egin ahala, egoera arintzen joan zen eta 21:45 aldera, gutxi gorabehera, errepideak normaltasunera itzuli ziren.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".