Euskal abeltzainek errentagarritasun falta eta elikadura katearen legea ez dela errespetatzen salatu dute
Euskal abeltzainek salatu dute ez dela errentagarria txahalak abeltegietan haztea. Era berean, gaitzetsi dute ez dela elikadura katearen legea errespetatzen, ekoizpen kostuak ordaintzeko beste ez dutelako jasotzen.
Ekoizpen kostu handi eta haragi kiloko jasotzen duten diru kopuru eskasa direla eta, txekorrak beste herrialde batzuetara esportatzera behartuta daude. Abeltzainek 6 euro jasotzen dituzte haragi kiloko, baina kostuak 8 eurotik gorakoak dira.
"Konponbiderik aurkitu ezean, merkatuetan bertako haragia aurkitzeari utziko diogu", ohartarazi dute. Besteak beste, Maroko, Libano eta Turkiara esportatzen dituzte txekorrak euskal abeltzainak, ekoizpen kostu "jasanezina" dela eta.
ENBA sindikatuaren esanetan, ekoizpenaren eta salmentaren arteko prezioa "desorekatuta dago", baina baita abeltzainek salmentarekin merkatuetan, saltokietan eta merkataritza-gune handietan jasotzen dutena ere.
Horrela, euskal abeltzainek une gazi-gozoak bizi dituzte; izan ere, alde batetik, azken bi urteetan haragiaren kontsumoa egonkortu izanak lasaitzen ditu, baina pandemiaz eta Ukrainako gerraz geroztik ordaintzen dietenak ez dira gastuak ordaintzeko nahiko.
Bestalde, erakundeek esan dute neurriak hartzen ari direla "egoera hori arintzeko", eta ziurtatu dute azken urteetan abeltzainek ia 2 euro gehiago kobratzen dituztela haragi kiloko.
Hala ere, Eusko Jaurlaritzako Behatokiaren datuek erakusten dute ekoizleak kobratzen duenaren eta kontsumitzaileak ordaintzen duenaren arteko aldea handitu egin dela. 2021ean, 8 eurokoa zen arrakala hori, baina orain 11 eurora igo da txahal-haragia, eta are gehiago behi-haragia.
Harakin gehienek bat egiten dute abeltzainen kezkarekin, eta haiei ere igo zaie behi-haragia, orain etekin gutxiago baitituzte. Abeltzainak eta harakinak kezkatuta daude behi-haragiaren prezioa asko garestitzen bada kontsumoan eragin handia izango duelako.
Zure interesekoa izan daiteke
Etxanobek eta Mendozak uko egin diote Ayesaren egoitzaren gainean "lurraldeen arteko borroka" batean sartzeari
Bizkaiko ahaldun nagusi Elixabete Etxanobek eta Gipuzkoako ahaldun nagusi Eider Mendozak uko egin diote "lurraldeen arteko borroka" batean sartzeari, bi lurraldeetatik Ayesaren dibisio digitalaren egoitza zein izan beharko litzatekeen erabakitzeko. Izan ere, hori konpainiaren erosketa eragiketaren "filosofiaren" aurka joango litzateke.
Zubietako erraustegiko langileek mobilizazioak iragarri dituzte hitzarmen berri baten alde
Salatu dutenez, "langileen osasuna babestuko duen hitzarmena" negozitzeko hainbat saiakera egin dituzte, bana "enpresaren ezezkoa besterik ez" dute jaso.
Ramiro Gonzalez: "Ahal dugun guztia egingo dugu Tubos Reunidosen egoera konpontzeko"
Ramiro Gonzalez Arabako ahaldun nagusiak esan du Aldundia "erabat inplikatuta" dagoela Tubos Reunidosen egoeraren konponbidean, eta azaldu du SEPIri eskatu diola zorraren berregituraketan inplikatzeko eta parte hartzeko.
Foru aldundiek 20.324 milioi euro bildu zituzten iaz, urrian aurreikusitakoa baino 231 milioi gehiago
PFEZa aurreko urteetako batez bestekoaren gainetik hazi da (+% 14,2), baina Sozietateen gaineko Zergak % 17,3ko jaitsiera izan du.
93 langile finko egingo ditu Nafarroako Volkswagenek, eta lan-erregulazioko espedientea baztertu du
Zuzendaritzak akordioa sinatu du UGTrekin eta CCOOrekin 2026ko produkzio-programa betetzeko. Aurten 262.217 ibilgailu egingo dituztela aurreikusten dute.
Tubos Reunidoseko langileen batzordeak iragarri du lanuzte gehiago egingo dituztela otsail eta martxoan
Enpresak proposatutako negoziazio mahaiekin bat egingo dute lanuzteek: otsailaren 17an, 23an eta 26an eta martxoaren 4an eta 9an. Oraingoan, Trapagarango lantegiak ere bat egingo du mobilizazioekin.
Israeli altzairua saldu diola eta Sidenorren egindako erregistroa baliogabetzea eskatu du Fiskaltzak
Fiskaltzak Auzitegi Nazionaleko magistratuaren ikerketaren norabidea kritikatu du, gizateriaren aurkako delituak Ministerio Fiskalak edo "tratu bidegabea" jaso duen norbaitek salatuta baino ezin dira jazarri, eta uste du elkarte salatzaileak ez duela baldintza hori betetzen (herri-akusazioa da, eta ez partikularra). Hortik ondorioztatzen da, Fiskalaren ustez, "egindako guztia erabat deuseza da, genozidio, gizateriaren aurkako eta gatazka armatuaren kasuan babestutako pertsonen eta ondasunen aurkako delitu horri dagokionez", eta ikerketa kontrabando-delitura mugatu beharko litzatekeela iritzi dio.
Espainiako Gobernuak Tubos Reunidosen egoera onbideratzeko irtenbideak bilatzeko prest dagoela adierazi du
Kongresuan egindako adierazpenetan, Carlos Cuerpo Ekonomia ministroak adierazi du Gobernuak "eskua luzatuta" duela sektore estrategikoetako enpresen bideragarritasuna bultzatzeko neurriak bilatzeko. EH Bilduk egindako galdera bati erantzunez, ministroak esan du aurretik ere laguntzak jaso izan dituela enpresak: "112 milioi euro kaudimenari laguntzeko funtsaren bidez, 20 milioi euro baino gehiago zortzi finantza-erakundek emanak, ICO abalen lerroari esker, eta ia 10 milioiko laguntzak, industria elektrointentsiboa izateagatik".
Israeli altzairua saltzeagatik Sidenorren gainean zabaldutako ikerketatik banandutako pieza baten sekretua kendu dute
Espainiako Polizia Nazionala Sidenorrek Basaurin duen egoitzara sartu eta hurrengo egunean eman da ebazpen judiziala.
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.