110.000 pertsona baino gehiago irten dira kalera Bilbon, Iruñean, Donostian eta Gasteizen, Palestinaren alde
LAB, CCOO, UGT, Steilas, ESK, CGT/LK, Etxalde eta Hiru sindikatuek manifestazio bateratuak eta oso jendetsuak egin dituzte hiriburuetan eguerdian. ELAk, bere aldetik, egin ditu mobilizazioak eta elkarretaratzeak.
Sindikatuen arabera, 110.000 pertsonak baino gehiagok hartu dute parte asteazken eguerdian Hego Euskal Herriko lau hiriburuetan deitutako manifestazioetan, "Palestinako herriari elkartasuna adierazteko borroka egunaren" baitan.
Gehiengo sindikalak (LAB, CCOO, UGT, Steilas, ESK, CGT/LK, Solidari, Etxalde eta Hiru) deialdi bateratua egin du eta manifestazio jendetsuak egin ditu 12:30ean hasita. Horrez gainera, zutabeak antolatu dira mobilizazioetara iristeko.
Bilboko manifestazioak 55.000 pertsona inguru elkartu ditu. Palestina ehunka bandera, kartel eta ikur ikusi dira ibilbide osoan zehar. 'Negoziorik ez genozidioarekin; Langileok Palestinarekin' zioen pankarta batekin eta Palestinako bandera handi batekin hasi duten martxa.
Amaieran, sindikatuetako lider nagusiek hartu dute hitza.
Garbiñe Aranburu LABeko idazkari nagusiak Palestinak "ibaitik itsasoraino" existitzeko duen eskubidea defendatu du komunikabideen aurrean. Horretarako "irtenbide politikoak" eta "okupazioari eta kolonizazioari" amaiera ematea ezinbestekoak direla uste du. Era berean, aukera baliatu du Confebaski eskatzeko enpresei "presioa" egin diezaiela Israelekin dituzten kontratuak berrikus ditzaten.
Bestalde, Santi Martinez Euskadiko CCOOko buruak Eusko Jaurlaritzari ohartarazi dio langile klasea ez dela genozidioa bultzatzen duten enpresa-praktiken "konplize" izango.
Gasteizen 22.000 pertsonak egin dute bat sindikatuek deitutako martxarekin, Udaltzaingoak egindako kalkuluen arabera. Amaieran, deitzaileen bozeramaileek esan dute gaurkoa "egun gogoangarria" izan dela; langileek "enpresak gelditu eta kaleak bete dituzte" Palestinako herriari elkartasuna adierazteko, "euskal langileen indarra erakutsiz".
Donostiako martxa ere jendetsua izan da. 18.000 pertsona inguru elkartu dira Boulevard zumardian eta ia 20 minutuko atzerapenarekin atera da, Amara, Antigua eta Grosetik abiatutako hiru zutabeak iritsi direnean.
Iruñean 15.000 pertsona baino gehiagok egin dute bat gehiengo sindikalak deituta Golem Baiona zinemetatik abiatu den manifestazioarekin. Palestinako bandera zuen traktore bat eta mobilizazioen leloa zuen pankarta handi batek zabaldu dute mobilizazioa.
ELA sindikatuak Galiziako eta Kataluniako CIG eta Intersindical sindikatuekin batera egin ditu deialdiak eta mobilizazio propioak deitu ditu. Bilboren kasuan, elkarretaratzea egin dute PSE-EEren eta EAJren egoitzen aurrean. Bi alderdi horiei "hipokrisia" alde batera uzteko eskatu die. "Israelekin harreman komertzial, ekonomiko eta militar oro eteteko" deia egin die eta nazioarteko ekimenekin bat egiteko eskatu die, Israelgo gobernuaren "zigorgabetasuna" amaitu eta Benjamin Netanyahu epaituen aulkian eseri dadin..
Iruñean ere elkarretaratzea egin dute PSNren egoitzaren aurrean, Donostian Eusko Jaurlaritzaren ordezkaritzaren aurrean eta Gasteizen Gobernuaren azpiordezkaritzaren aurrean.
Arratsaldean mobilizazio eta protesta ekimen gehiago izango dira herri eta hirietan, enpresetako lanuzteekin batera. Gernika-Palestina elkarteak 19:30ean udaletxeen aurrean lapiko-protestak egiteko deia egin du, "Genozidioa STOP! Konpromisoa Palestinarekin. Israelekin haustura! Rupture avec Israel maintenant!" lelopean.
Zure interesekoa izan daiteke
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.