Medikuen bigarren greba egunaren jarraipena atzokoa baino zerbait handiagoa izan da, Osakidetzaren arabera
Osasun Ministerioak onartu nahi duen Estatutu Markoaren zirriborroaren aurka Espainiako Estatu osoko medikuek deitutako lau eguneko grebarekin bat egin du Euskadiko Medikuen Sindikatuak. Gaurko elkarretaratzea Donostia Ospitalean izan da. Ostiralera arte, ospitaleek eta anbulatorioek gutxieneko zerbitzuetan egingo dute lan, eta larrialdietako eta halabeharrez artatu behar diren patologiak dituzten pazienteei soilik emango diete zerbitzua.
Espainiako Osasun Ministerioak onartu nahi duen Estatutu Markoaren zirriborroaren aurkako bigarren greba eguna dute gaur Euskadiko eta Estatu osoko medikuek. Lau eguneko lanuztea deitu dute, eta, ondorioz, ostiralera arte, ospitaleek eta anbulatorioek gutxieneko zerbitzuetan jardungo dute; larrialdiak eta atzeraezinak diren patologiak artatuko dituzte.
Osakidetzak arratsaldean emandako datuen arabera, goizeko txandan % 19,02koa izan da lanuztearen jarraipena, atzokoa (%17,26) baino ia bi puntu handiagoa. Arratsaldeko txandan, berriz, % 8,11koa, atzokoaren (% 7) gainetik, hori ere.
Lurraldeka, gaur goizean, Bizkaian medikuen % 20,99k egin dute bat grebarekin; Gipuzkoan, % 18,68k; eta Araban, % 13,68k. Arratsaldeko txandan, berriz, Bizkaian % 7,4koa izan da jarraipena; Gipuzkoan, % 7,67koa; eta Araban, % 16,28koa. Bezperako datuekin alderatuta, lurralde denetan egin du gora jarraipenak.
Elkarretaratzea
Euskadiko Medikuen Sindikatuak bat egin du Estatuko deialdiarekin, eta gaur Donostia Ospitalaren atarian deitu du elkarretaratzea. Han, 200 bat osasun-langile elkartu dira, estatutu propio bat aldarrikatzeko, medikuen aldarrikapenak jasoko dituena.
Ordu erdi inguru egon dira bilduta, 'Euskadi, estatutu mediko eta fakultatibo baten alde' goiburupean. 'Esplotazioak bokazioa hiltzen du' edota '24 orduko guardiei Stop' bezalako esaldiak zituzten kartelak ere erakutsi dituzte.
Protestaren amaieran, Marijose Lasa eta Gloria Diaz Debagoieneko Ospitaleko eta Donostia Ospitaleko larrialdietako medikuek, hurrenez hurren, hitz egin dute hedabideen aurrean. Gogoratu dute protestaren helburua "negoziazio mahaia" martxan jartzea dela, "estatutu propio bat" adosteko.
Ostegunean, Txagorritxun izango dira protestak, eta ostiralean, Basurtuko Osasun Zentroan.
Zure interesekoa izan daiteke
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.
BBVAren errekurtsoa atzera bota eta Bilboko dorrean amiantoaren eraginpean egondako langile baten ezintasuna berretsi dute
Auzitegiak berretsi egin du BBVAko langile baten lanbide-gaixotasunagatiko ezintasun absolutua, eta berretsi egin du minbiziaren lan-jatorria, hainbat hamarkadatan amiantoaren eraginpean egon ondoren, Kale Nagusiko 1. Dorrean; beste txosten batzuen arabera, berriz, eraikin berari lotutako kasu gehiago daude.
Bilboko udal zerbitzuetako garbitzaileek hirirako sarbidea itxi dute, San Mamesen
Bilboko udal zerbitzuetako garbitzaileek bederatzigarren greba-astea hasi dute, lan-baldintza hobeak eskatzeko.
Medikuek bosgarren greba asteari ekingo diote astelehen honetan, Estatutu Markoaren proiektuaren aurka
Uda epe konplexua dela eta, hau izango da oraingoz, lanuzteak egingo dituzten azken astea. Egoera konponduko ez balitz, baina, medikuek ez dute baztertzen irailetik aurrera greba mugagabera jotzea.
Osasun Ministerioari "ez entzutea" egotzi dio Martinezek, eta esan du Osakidetza guardien eredua aldatzeko prest dagoela
Medikuen bosgarren greba astearen atarian, Osasun sailburuak onartu du lanuzteek "eragin handia" izan dutela itxaron-zerrendetan, eta jakinarazi du dagoeneko 2.500 pertsona bideratu dituztela hitzartutako kliniketara ebakuntza egitera.
4.487 milioiko salmentak lortu zituen CAFek 2025ean, aurreko urtean baino % 7 gehiago
Larunbat honetan Beasainen egindako Akziodunen Batzar Nagusian eskainitako datuen arabera, 146 milioi euroko mozkin garbia lortu zuen konpainiak 2025ean, aurreko urtean baino % 42 gehiago.
Leire kasuan ikertu duten Jesus Perez Rodriguezek dimisioa eman du Tubos Reunidoseko kontseilari independente gisa
Enpresariak gutun baten bidez aurkeztu du bere borondatez kargugabetzea, bere martxa enpresaren hartzekodunen konkurtsoaren sarrerarekin lotuta, ikertu gisa duen egoera aipatu gabe.
Elon Musk munduko lehen bilioiduna da, SpaceX burtsara atera ondoren
Konpainiaren burtsako kapitalizazioa 2,2 bilioi dolar ingurukoa da. Horrela, Nvidia, Alphabet, Apple, Microsoft eta Amazonen atzetik, AEBko enpresa kotizatu handienen taldean sartu da.
Bizkaiko Foru Aldundiak bere zerga proposamen berria aurkeztu du: kenkariak gimnasioetan eta profesionalak erakartzeko pizgarriak
Foru Aldundiak Foru Arauaren aurreproiektu bat aurkeztu du, kenkari eta zerga pizgarri berriak jasotzen dituena.
Mercedesen Gasteizko lantegia aro elektrikoan sartu da VLE modeloarekin
Alemaniako konpainiak Arabako faktoria aukeratu du bere ibilgailu elektriko berriaren munduko ekoizpena hasteko. Enpresaren etorkizun industrialerako giltzarritzat jo du ibilgailu hori.