Normaltasuna itzuli da AP-8 autobidera, Biriatu parean goiz osoan auto-ilara luzeak izan eta gero
06:00ak aldera utzi diote laborarien traktoreek A-63 autobidea blokeatzeari, eta behin errepidea irekita, azken egunetan muga igaroko zain ziren ehunka kamioi pilatu dira inguru horretan. Kamioiek eskuineko erreia oztopatu dute, eta 11 kilometrorainoko kamioi ilarak sortu dira. 14:00ak aldera itzuli da normaltasuna errepidera.
Goiz korapilatsua izan da gaur Hegoaldeko eta Iparraldeko mugan. Ipar Euskal Herriko nekazarien protestengatik lau egunez blokeatuta egon ostean, 06:00ak aldera, traktoreek A-63 autobidea blokeatzeari utzi diote. Horren ondotik, A-63 autobidea eta AP-8ko Biriatuko pasabidea berriro ireki dituzte.
A-63 autobidea eta AP-8ko Biriatuko pasabidea desblokeatu ondoren, azken egunetan geldirik egon diren ehunka kamioi atera dira berriz ere errepidera, Eusko Jaurlaritzak bertan behera utzi baitu Lapurdira igaro nahi duten ibilgailu astunei (7.500 kilotik gorako kamioiak) zirkulatzeko ezarritako debekua, eta 11 kilometrorainoko kamioi ilara luzeak sortu dira AP-8 autobidean, Irunen, Baionara bidean.
Kamioiek eskuineko erreia oztopatu dute, Eusko Jaurlaritzako Segurtasun Sailak jakinarazi duenez, eta ezkerreko erreian ibilgailu arinak soilik ibili dira.
Orduak aurrera joan ahala arintzen joan da egoera, eta 14:00ak aldera trafikoaren joan-etorria ohikoa zen puntu horretan.
Hiru egun eta gero, Jean-Marie Girier Pirinio Atlantikoetako prefetak protesta bertan behera uzteko eskatu die zien bart abeltzainei, bestela poliziak esku hartuko zuela esanez. Mezu horren aurretik, laborariek ez zuten blokeoa kentzeko asmorik, baina, goizaldean, iritzia aldatu, eta, modu baketsuan, bertatik alde egin dute.
Azkenean, "A63ko ultrak" izeneko laborarien mugimenduak protesta bertan behera utzi du, eta men egin dio prefetaren mehatxuari.
Nekazariak Frantziako Gobernuari presio egiteko aritu dira protestan, Europar Batasunaren eta Mercosurren arteko akordioa eta abeltzaintzari eragiten dioten zenbait osasun-neurri direla eta (dermatosi nodular kutsakorraren kontrako protokoloa, besteak beste).
Baionako portua blokeatu dute
Bestalde, ELB Euskal Herriko Laborarien Batasunak deituta, Baionako portuko sarrera blokeatu dute goizeko zortzietan, EBk eta Mercosurrek adostutako akordioa salatzeko.
Hasiera batean, Baionako Grand Basque biribilgunean deitu dute protesta, baina azkenean Baionako portuan egin dute hitzordua. Zehazki, Maisica zereal biltegiaren sarrera oztopatu dute. Hain zuzen ere, puntu horretan biltzen dituzte Ameriketatik itsasoz iristen diren produktuak.
Guztira, 100 bat traktore elkartu dira.
Zure interesekoa izan daiteke
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.
Lanera ez joatea erabaki dute Petronorreko hainbat langilek bentzenoaren eraginpean ez egoteko
ELAko iturriek adierazi dutenez, nahiz eta Eusko Jaurlaritzak inguruko herritarrei prebentzio-neurriak hartzea gomendatu, enpresak ez die beharginei inolako segurtasun jarraibiderik eman. LABek, bestalde, Petronorri eskatu dio geldi dezala lantegiaren jarduna, intzidentzia konpondu bitartean.
Tubacexek % 30 murriztu ditu irabaziak 2025ean, 15,9 milioi euro irabazi baititu
Salmentak % 6,3 jaitsi dira, 719,3 milioiraino. Hala ere, enpresak esan du eutsi egin diola "merkatuaren ahultasun orokorraren inguruneak" asko markatu duen urtean, "eredu integratuan, dibertsifikazio geografikoan eta balio erantsi handiko hainbat sektore eta nitxotan duen presentzian oinarritutako estrategiari esker", horrek "muga-zergen ziurgabetasunaren inpaktua arintzen" lagundu baitu.
Tubos Reunidoseko langileak Bilbon mobilizatu dira, lan-erregulazioko espedientearen bileran batzordeari laguntzeko
Zuzendaritzak eskaintza berria aurkeztu du, langileek borondatezko bajak onar ditzaten, eta batzordeak bere jarrera berretsi du, enpresak enplegu-erregulazioko espedientea atzera bota dezan. 300 langilek baino gehiagok parte hartu dute protestan.
Bilboko Portuak 77 milioiko fakturazioa izan zuen 2025ean, % 0,3 gehiago
Ivan Jimenez Bilboko Portu Agintaritzako presidenteak jardueraren balantzea aurkeztu du ostegun honetan, eta egoera ekonomikoa onbideratutzat jo du. Horri esker, portu-tasak izoztuta mantenduko dira.
Hauek dira 'babes sozialerako' dekretua indargabetu ondoren bertan behera geratu diren neurriak
Dekretua bigarren aldiz indargabetu izanak bertan behera utzi du familia zaurgarrien etxegabetzeak etetea, baita zerga eta enpresa arloko beste neurri batzuk ere. Hauek dira babes sozialerako dekretuak jasotzen zituen neurri nagusiak.
Danobatek 500 lanpostu sortuko ditu Euskadin, eta 50 milioi inbertituko ditu "robot industrialen belaunaldi berri bat" egiteko
Helburua da Euskadin robot industrial aurreratuen belaunaldi berri bat diseinatzea eta fabrikatzea, eta teknologia estrategiko horren ildoko tokiko balio-kate sendo bat finkatzea.
Stellum Capitalek ia hirukoiztu egingo ditu aktiboak bi urtean, 700 milioi euroraino
Artizarra Fundazioak sortutako eta Hego Euskal Herriko enpresaburuek sustatutako kapital pribatuko funts kudeatzaile bat da Stellum Capital. Inbertitzeko hiru tresna berri abiaraziko dituzte, egungo aktiboak hirukoizteko helburuarekin.
"Anbizioa dugu, eta erabakimena gure lurraldean geratzea bilatzen dugu"
Atzo zabaldu zenez, euskal inbertsore talde batek Azpeitiko Elmubas Petfood Group enpresa erosteko interesa omen du. Euskadi Irratiari egindako adierazpenetan Eider Mendoza Gipuzkoako ahaldun nagusiak esan duenez, berri ona da, eta operazioa "gertutik" jarraituko dute.