Normaltasuna itzuli da AP-8 autobidera, Biriatu parean goiz osoan auto-ilara luzeak izan eta gero
06:00ak aldera utzi diote laborarien traktoreek A-63 autobidea blokeatzeari, eta behin errepidea irekita, azken egunetan muga igaroko zain ziren ehunka kamioi pilatu dira inguru horretan. Kamioiek eskuineko erreia oztopatu dute, eta 11 kilometrorainoko kamioi ilarak sortu dira. 14:00ak aldera itzuli da normaltasuna errepidera.
Goiz korapilatsua izan da gaur Hegoaldeko eta Iparraldeko mugan. Ipar Euskal Herriko nekazarien protestengatik lau egunez blokeatuta egon ostean, 06:00ak aldera, traktoreek A-63 autobidea blokeatzeari utzi diote. Horren ondotik, A-63 autobidea eta AP-8ko Biriatuko pasabidea berriro ireki dituzte.
A-63 autobidea eta AP-8ko Biriatuko pasabidea desblokeatu ondoren, azken egunetan geldirik egon diren ehunka kamioi atera dira berriz ere errepidera, Eusko Jaurlaritzak bertan behera utzi baitu Lapurdira igaro nahi duten ibilgailu astunei (7.500 kilotik gorako kamioiak) zirkulatzeko ezarritako debekua, eta 11 kilometrorainoko kamioi ilara luzeak sortu dira AP-8 autobidean, Irunen, Baionara bidean.
Kamioiek eskuineko erreia oztopatu dute, Eusko Jaurlaritzako Segurtasun Sailak jakinarazi duenez, eta ezkerreko erreian ibilgailu arinak soilik ibili dira.
Orduak aurrera joan ahala arintzen joan da egoera, eta 14:00ak aldera trafikoaren joan-etorria ohikoa zen puntu horretan.
Hiru egun eta gero, Jean-Marie Girier Pirinio Atlantikoetako prefetak protesta bertan behera uzteko eskatu die zien bart abeltzainei, bestela poliziak esku hartuko zuela esanez. Mezu horren aurretik, laborariek ez zuten blokeoa kentzeko asmorik, baina, goizaldean, iritzia aldatu, eta, modu baketsuan, bertatik alde egin dute.
Azkenean, "A63ko ultrak" izeneko laborarien mugimenduak protesta bertan behera utzi du, eta men egin dio prefetaren mehatxuari.
Nekazariak Frantziako Gobernuari presio egiteko aritu dira protestan, Europar Batasunaren eta Mercosurren arteko akordioa eta abeltzaintzari eragiten dioten zenbait osasun-neurri direla eta (dermatosi nodular kutsakorraren kontrako protokoloa, besteak beste).
Baionako portua blokeatu dute
Bestalde, ELB Euskal Herriko Laborarien Batasunak deituta, Baionako portuko sarrera blokeatu dute goizeko zortzietan, EBk eta Mercosurrek adostutako akordioa salatzeko.
Hasiera batean, Baionako Grand Basque biribilgunean deitu dute protesta, baina azkenean Baionako portuan egin dute hitzordua. Zehazki, Maisica zereal biltegiaren sarrera oztopatu dute. Hain zuzen ere, puntu horretan biltzen dituzte Ameriketatik itsasoz iristen diren produktuak.
Guztira, 100 bat traktore elkartu dira.
Zure interesekoa izan daiteke
Ikuskizunetako teknikariek hiru greba egun deitu dituzte EAEko hiru hiriburuetako jaietan
Mobilizazioak abuztuaren 5ean, 14an eta 26an izango dira, eta Gasteizko Txosna Batzordearen, Donostiako Piraten eta Bilboko Konpartsen babesa dute. Sektoreko lan-baldintzak hobetzeko "aurrerapauso falta" salatu nahi dute.
Euskadiko argindar autokontsumoaren egungo potentzia duela bost urtekoa halako 27 da
Vidrala enpresaren planta fotovoltaikoaren inaugurazioan, Industriako sailburuak azpimarratu du autokontsumo horrek erregai fosilekiko mendekotasuna murrizten lagunduko duela.
Estatuko greba mugagabearekin bat egin lezake SMEk irailean, Osakidetzarekin akordioa lortu arren
Azaldu dute astelehenean sinatutako akordioarekin medikuek zehazki Osakidetzari egiten zizkioten eskaera batzuk kitatu direla, baina Esparru Estatutuari buruz Ministerioarekiko duten jarrera ez dela aldatu diote, desados jarraitzen dute, beraz, eta mahai gainean jarraitzen duela grebaren aukerak.
Albiste izango dira: medikuen gatazka, beroa protagonista eta 34. Euskal Encounterren aurkezpena
Gaurkoan Orain-en albiste izango direnen laburpena, bi hitzetan.
AEBko Justiziak 14 egunez geldiarazi du Paramount eta Warnerren bat-egitea
Herrialdeko 12 estatuk osatutako koalizio batek prozesua geldiarazteko eskaria aurkeztu zuen, horrek ekar ditzakeen monopolio arriskuengatik.
Aiaraldeko Industriaren Mahaiak bederazi hilabete iraun duen hausnarketa prozesuaren ondorioak aurkeztu ditu
Mahaia osatzen duten erakundeek, enpresek, eragile ekonomiko eta sozialek zein ordezkari politikoek "hazkunde aro berri bat eraikitzeko gaitasun, ezagutza eta abantaila lehiakor nahikoak" ikusten dituzte Arabako eskualdean.
Osakidetzak eta SMEk akordioa berretsi dute, eta gainontzeko sindikatuek negoziazio-mahaia utzi dute
Osasun Sailak aurkeztutako dokumentuaren edukiaz gain, sindikatuek salatu dute akordioa aldebikoa izan dela, Osasun Sailaren eta SMEren artean, eta negoziazio kolektibotik kanpo egin dela.
Grebari eutsiko al diote medikuek Osakidetzaren eta SMEren arteko akordioaren ostean?
Euskadiko Sendagileen Sindikatuak eta Estatuko Greba Batzordea osatzen duten gainerako sindikatuek iragarria zuten greba mugagabea egin behar zutela irailetik aurrera, ekainean Estatutu Marko Orokorra onartu ondoren. Osakidetzaren zuzendaritzarekin lortutako akordioak medikuen lan-baldintzetako batzuk hobetzen ditu, baina ez ditu haien eskaera guztiak betetzen.
Basaurik 362 etxebizitza sustatuko ditu 2029ra arte, Jaurlaritzak gune tentsionatu izendatu ondotik
Eusko Jaurlaritzak eta Udalak alokairuen prezioak mugatzeko eta etxe hutsak merkaturatzeko ekintza-plana aurkeztu dute.
Europako Batzordeak 550 milioi euroko isuna jarri dio AliExpressi, legez kanpoko produktuak eta faltsifikazioak saltzeagatik
Gainera, Europako estandarrak betetzeko neurri zuzentzaileak hartzeko exijitu dio Europako Batzordeak merkataritza elektronikoko Txinako plataformari.