Indarkeria matxistaren aurkako manifestazioa deitu dute Gasteizen
"11 eraso, 12 erantzun, Feministok Prest!" lelopean, Euskal Herri mailako manifestazioa deitu du mugimendu feministak apirilaren 9rako, Gasteizen.
Martxa goizean aurkeztu dute Euskal Herriko Mugimendu Feministako kideek. Prentsaurrekoan azaldu dutenez, hiru helburu ditu ekimenak: batetik, eraso matxistak eta "azkenaldian ematen ari den mugimendu feministaren kriminalizazioa" salatzea, eta indarkeria mota honen inguruko "hausnarketa soziala bultzatzea".
Horien hitzetan, indarkeria matxistaren "forma anitzak" eta "konplexutasuna" kontuan hartu behar dira: "ez dira kolpeak eta hilketak soilik; kontu estrukturala da, eta sistema batean oinarritzen da". Hala, indarkeria matxista "ez da bakarra, baizik eta gure jendarteak eraikitzen duen egitura sendoa". Feministon arabera, "lesbianen kontrako erasoak, nerabe transexualek beren buruaz beste egitea, eta aniztasun funtzionala duten pertsonen kontrako erasoak ere indarkeria matxista dira.
"Agintariak genero bortizkeriagatik oso arduratuak agertzen diren bitartean, errealitatearekin bestelakoa da: berdintasunaren arloan murrizketak egin dituzte aurrekontuetan, sentsibilizazioan eta bortizkeria matxista ekiditeko dauden baliabideak koordinatzen instituzioetan lanean dihardutenei gutxietsiz", salatu dute.
Manifestazioaren deitzaileen esanetan, "gaua, alkohola eta permisibitatea aitzakia" hartuta, areagotu egin dira emakumeen kontrako erasoak. "Ekonomia kapitalista"ren politikek emakumeengan dituzten ondorioak ere salatu dituzte: "prestigiorik gabeko lanak egitera eta zaintzera behartzen ditu". Emakume etorkinek pairatutako diskriminazio bikoitza ere kritikatu dute feministek, "esplotazioa eta isolamendu egoerei aurre egin behar diete" eta.
Hori horrela, apirilaren 9an Gasteizera joateko deia egin du Mugimendu Feministak, badelako garaia "arazoaren muinari heltzeko, konpromisoak hartzeko, bortizkeria matxistak saihestu eta emakumeak menpekotasun espazioan ezartzen dituen sistema eraldatzeko".
Horrez gain, gaurtik hasita martxan izango den atxikimendu kanpainan parte hartzeko eskatu diete herritarrei. #feministokprest etiketarekin argazki bat egitea eta sare sozialetan zabaltzea eskatu dute.
ea eskatu dute.Zure interesekoa izan daiteke
AEBek Kubari egiten dion "setioa" salatu dute Bilbon, Silvio Rodriguezen kontzertuaren aurretik
Manifestazioan parte hartu dutenek Kubako eta beste hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude" gaitzetsi dute. Protestak "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaritza lanik, eta hala, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".