Emakume musulmanen kolektibo batek elkarretaratzea deitu du Bilbon
“Emakume Musulman Independenteak” kolektiboak “Izuaren, gorrotoaren eta gerren aurka, ez gure izenean” kontzentraziora deitu ditu herritar guztiak, larunbat honetan, hilaren 26an, Bilboko udaletxeko eskaileretan.
Kontzentrazioa iragarri duten oharrean, kolektiboak azaldu duenez, Kataluniako atentatuek “aurretik eta ondoren bat izan dute gure bizitzatan. Pertsona asko lur jota sentitu gara”.
Halere, “negarraz eta saminaz gain, gorrotoa eta gaitzespena antzeman ditugu. Emakume arabiar eta musulman moduan, iruzkin xenofoboak, arrazistak eta islamoboak nabarmen igo direla ikusi dugu jendearen aldetik, baina baita zuzenean ematen ari ziren kazetarien aldetik ere”.
Gainera, “gure komunitatearen aurkako erreakzioak izan dira sareetan, baita mehatxuak, kalte fisikoak, ahozkoak eta publikoak meskiten eta jabetzen aurka, eta gure azaletan pairatu dugu hori”.
Horregatik, emakume musulmanok “altxatu egin nahi dugu gure mezua birala bihur dadin, krimen terrorista batek berak ere justifikaziorik ez duela jakinarazteko; beldurrik ez dugula oihu egiteko eta batik bat batzeko eta gure artean gorrotatuko ez garela jakiteko, arabiarrak, musulmanak, kristauak, sinestunak ala ez, euskal herritarrak, katalanak edota espainiarrak izan”.
Kontzentrazioa deitzeko, taldeak SOS Arrazismoa Bizkaia, Ongi Etorri Errefuxiatuak eta Ahizpatasuna plataformen babesa izan du.
Zure interesekoa izan daiteke
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Maialen Mazonen hilketaren epaiketa martxan da, herri-epaimahaia hautatuta
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, hamasei urte bi abortu delituengatik (bikiez haurdun zegoen, zortzina urteko zigorra ezarri nahi diote) eta 4 urte adingabea abandonatzeagatik.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.