Aldundiak segurtasun neurriak indartu ditu AP-8an Zaldibarren, luizien arriskuagatik
Bizkaiko Foru Aldundiak segurtasun neurriak indartu ditu AP-8 autobidean, Zaldibar parean, otsailaren 6an milaka tona hondakin jausi eta gero, lurraren ezegonkortasunaren ondorioz inguruan luizi gehiago izateko arriskua baitago.
Geologoek egindako jarraipen etengabeak agerian uzten du zabortegia hautsi ondoren eroritako hondakin masa ez dela egonkorra, nahiz eta luizia gertatu zenetik igarotako 11 egun hauetan ez den mugimendu esanguratsurik izan, Aldundiak astelehen honetan zabaldutako ohar baten bidez jakinarazi duenez. Ordudanik, baina, bi langile desagertuta daude.
Adituen ustez, euria egiten badu lur gehiago jausteko arriskua egongo da, ingurua ezegonkorra baita. Hori dela eta, hondakinen masaren mugimendua geldiarazteko neurriak hartu ditu Aldundiak, autobideko erabiltzaileen segurtasuna babesteko.
Ildo horretatik, otsailaren 12an autobidearen ondoan segurtasun horma bat eraikitzen hasi ziren Donostiarako noranzkoan, sei metroko altuera eta 50 metroko luzera izango duena, 200.000 euroko aurrekontuarekin.
Horrez gain, luizien aurkako pantaila dinamiko bat jarriko dute, material kopuru handiari eusteko gai den metalezko sare batez osatutakoa. Aldundiak azaldu duenez, sare horrek 75 metro koadroko azalera izango du, eta eusteko dikea baino 40 metro gorago jarriko dute, malda txikiko eremu batean.
Sare hori autobidera iristen den mihiaren amaieran instalatzeko, 6.000 metro kubiko hondakin inguru kendu beharko dituzte luiziaren beheko aldean.
Aldundiaren arabera, luiziak zirkulazioa eten zuen AP-8 autobidean eta Ermuko saihesbidean 15 orduz, otsailaren 7ko goizeko lehen ordura arte, eta gorabehera ugari sortu zituen errepidean, horiek Bizkaiko errepide-sareko lehentasunezko bi bide direlako.
Testuinguru horretan, Bilborako norabidean doazen bi erreiak garbitu zituzten, eta bi kilometroko bypass bat egin zuten bertan. Donostiarako bi erreiak, ordea, itxita daude oraindik, autobidera hondakin gehiago ezin direla erori bermatu arte.
Otsailaren 7ko goizaldean AP-8 autobidea trafikoarentzat berriz ireki zutenetik, Aldundiak Ermuko autobidea eta saihesbidea ixteko protokoloa du. Protokolo hori Eusko Jaurlaritzarekin batera egin da, eta zabortegiko lurren mugimenduen jarraipena egiteko sistemak luiziak izateko arriskua dagoela ohartarazten duenean aktibatuko da.
Une horretan, aurrealerta aktibatuz gero, Aldundiak eta Ertzaintzak beharrezko baliabideak mobilizatuko dituzte, eta aditu taldeak luizia izateko arriskua benetakoa dela zehaztuz gero, alerta aktibatuko dute, eta autobidean bypassa jarriko dute bi norabideetan doazen ibilgailuak bideratzeko.
Zure interesekoa izan daiteke
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.