Zaldibarko egoeraren berri emango die gaur batzorde tekniko batek Ermuko bizilagunei
Zaldibarko zabortegian luizia izan ondoren sortutako krisiaren inguruko azken ordukoaren berri emango die gaur, astelehena, arlo askotako batzorde tekniko batek Ermuko bizilagunei, 19:00etan, Ermua Antzokian egingo duten bilera irekian.
Udalak jakinarazi duenez, Eusko Jaurlaritzako eta Osasun eta Ingurumen sailetako ordezkariek, Uraren Euskal Agentziako kideek, Gipuzkoako Ur Partzuergoko ordezkariek eta Ermuko Udaleko ordezkariek hartuko dute parte topaketa horretan.
"Otsailaren 6an izandako gertaeraren ondorioak jorratzen ari diren eragileen artean, azalpen publiko zuzena eta koordinatua emateko aukera aztertu ondoren egin da deialdia", azaldu du Udalak ohar batean.
Testuinguru horretan, Ermuko Udalak gutuna bidali die herritarrei, lasaitasuna eskatu eta hartzen diren datu eta erabakien berri emateko. Gutunaren arabera, kontrolerako protokolo sakonagoak eta egunerokoak aktibatu ostean, laginketa horien datuek adierazten dute eremua normaltasun-parametroen barruan dagoela eta airearen eta uraren kalitatea ona dela.
Kalean kirolik ez egiteko gomendioari eusten dio Jaurlaritzak
Bestalde, Eusko Jaurlaritzak Zaldibarko zabortegitik gertu dauden udalerrietan leihoak itxita izateko eta kalean kirolik ez egiteko gomendioari eusten dio, airean dioxina eta furano maila altuak neurtu direla eta, hondakindegiaren goiko aldean piztutako suak eraginda.
Eusko Jaurlaritzako Ingurumen Sailak sare sozialetan zabaldutako azken mezuan, aurreko egunetan ezarritako prebentzio neurriei eustea eskatzen die Zaldibar, Ermua eta Eibar udalerrietako biztanleei (46.000 bat dira guztira).
Zabortegiko hondakinetako suteetan dago kutsaduraren jatorria. Otsailaren 6an izandako luizian bi langile desagertu ziren, eta oraindik ez dituzte topatu.
Azken orduotan hartutako laginen emaitzak izan arte, Ingurumen Sailak leihoak ahalik eta denbora gehien itxita izateko eta kalean kirolik ez egiteko aholkatu die bizilagunei, "beste abisu bat eman arte".
Inguruko airearen kalitatea egiaztatzeko Eusko Jaurlaritzak egunero aztertzen dituen gainerako laginei dagokienez, "Euskal Autonomia Erkidegoko hiri-inguruneen ohiko balio egonkorra erakusten dute neurketek".
Zure interesekoa izan daiteke
Cospedalen senar ohiak berretsi du berak aurkeztu ziola Villarejo Genovan
Espainiako Auzitegi Nazionalak asteazken honetan ekin dio berriro auziaren epaiketari. Hamar akusatu daude, tartean Jorge Fernandez Diaz Barne ministro ohia eta Francisco Martinez Segurtasuneko estatu-idazkari ohia, 2013 eta 2015 artean antolatutako ustezko operazio honengatik.
Nafarroako ikastolek itunak murrizteko erabakia zuzentzeko eskatu diote Foru Gobernuari
Nafarroako ikastolen komunitateak lurraldeko 15 ikastoletatik 8ri itunak murrizteko hartutako erabakia zuzentzeko eskatu dio Foru Gobernuari asteazken honetan, Hezkuntza Departamentuaren aurrean egindako mobilizazio batean. Oier Sanjurjo Nafarroako Ikastolak elkarteko presidenteak deitoratu du erabaki horrek "min handia" egiten diola "gure sareari", eta "berdintasuna" eskatu du: "Guztientzako irizpide berak aplikatzea eskatzen dugu, bereizketarik ez egotea eta euskarak lekurik ez galtzea".
Eusko Jaurlaritzak beste udalerri batzuetara bideratuko du Infernuko promozioa, Donostiak lurrak lagatzen ez baditu
Etxegintzak lurzatiak Jaurlaritzari ez transferitzeko erabakia hartu du eta horrek arriskuan jartzen du alokairu babesturako 270 etxebizitza inguru sustatzea bertan.
Cannabisa da Euskadin gehien atzematen den droga: iaz, 86,3 kilo marihuana eta 58 kilo haxix
Ertzaintzak adierazi duenez, Euskadi “esportatzaile” da marihuanari dagokionez: landarea bertan hazten da eta gero Europan zehar saltzen da.
Bingen Zupiria: “Kezka handia dago cannabisaren banalizazioagatik; gogoeta zabaldu beharko genuke, bere garaian heroinarekin egin bezala”
Bingen Zupiria Segurtasun sailburua Euskadi Irratiko "Faktoria" saioan izan da, eta, besteak beste, cannabisaren kontsumoaz galdetu diote, azken EITB Dataren datuen harira. Azaldu duenez, Eusko Jaurlaritzako Segurtasun Saila egiten ari den Basque Segurtasun Foroan etengabe agertzen ari da cannabisaren kontsumoaren inguruko kezka: “Udalerri guztietan atera da gaia”. Zupiriak esan duenez, kezka oso handia sumatu dute, alkate askoren aldetik, “kontsumoagatik” eta “batez ere cannabisaren kontsumoa erabat banalizatu” delako. “Egin behar dugun Segurtasun Planaren gaietako bat izan beharko du gai honek. Honi buruzko gogoeta bat zabaltzea merezi du, bere garaian heroinaren inguruan egin zen bezala”, adierazi du.
Albiste izango dira: EITB Data cannabisaren legeztatzeari buruz, Irango su-etenaren luzapena eta hizkuntza eskakizunen inguruko desadostasunak
Gaurkoan Orain-en albiste izango direnen laburpena, bi hitzetan.
Cannabisa legeztatzearen aldeko jarrerak behera egin du euskal gizartean: % 47 baino ez daude ados; duela bi hamarkada, berriz, % 76 ziren
EITB Datak bildutako datuen arabera, % 21 baino ez dago "oso ados" legeztatze posible batekin, eta % 26 gehiago "nahiko ados".
Donibane Lohizuneko irakaslearen hilketaren epaiketa hasi da Pauen
Paueko Auzitegiak astearte honetan hasi du Lapurdiko gaztearen aurkako epaiketa, Donibane Lohizuneko institutu batean gaztelerazko irakaslea hiltzea egotzita. Epailearen erabakiz, eta akusatua adingabea zenez, bista ateak itxita egiten ari dira.
Gizon bat atxilotu dute bikotekideari eraso egiteagatik, Gasteizen
Bizilagunek 092 telefonora deitu zuten, ohartarazteko etxebizitza batean oihuak eta kolpe-danbadak entzuten zirela.
El Bocaleko pasarelaren auziko epaileak ikertu gisa deitu du hirugarren funtzionario bat
Zuhurtziagabekeria astunagatiko seina giza-hilketa eta zuhurtziagabekeria astunagatiko lesio delitu bana egozten zaizkie hirurei.