Bizkaibusek Gaztelugatxerako zerbitzua biderkatuko du Aste Santuan eta jai egunetan
Bizkaibusek Gaztelugatxera hurbiltzeko zerbitzu bereziak indartuko ditu Aste Santuan eta Aitaren Eguneko eta Maiatzaren 1eko zubietan. Autobusak ordu erdiro aterako dira Bakio eta Bermeotik. Aurreko urteetan orduro atera izan dira.
Miguel Angel Gomez Vidal Garraio eta Mugikortasun Jasangarriaren diputatuak asteazken honetan agerraldia egin du EH Bilduk Gaztelugatxearen harira egindako galdera bati erantzuteko. Koalizio soberanistak Gaztelugatxera ailegatzeko garraio publikoa aldarrikatzen du. Diputatuak adierazi duenez, erabaki hori Gaztelugatxeko erabilpen turistikoa eta inguruaren babesa bateragarriak egiteko Bizkaiko Foru Aldundiak hartutako neurrien artean dago.
Zerbitzu gehiago jarrita, bisitariak garraio publikoa erabiltzera bultzatu nahi dute, ibilgailuen zirkulazioa eta estazionamendua gutxituz. Foru Aldundiaren aurreikuspenaren arabera, 3.000 pertsona baino gehiago bertaratuko dira autobusez.
Bakio eta Bermeo arteko A3524 linea da indartuko dutena. Bi herri horietatik ordu erdiro aterako diren bi autobus egongo dira, 09:00etatik 20:00ak arte. Zerbitzu hori ondoko egunetan egongo da indarrean: martxoaren 19tik 22ra (San Josef zubia), apirilaren 9tik 13ra (Aste Santua) eta maiatzaren 1tik 3ra.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.