Biltzar akademikoak bertan behera uzten hasi dira Euskadin koronabirusagatik
Koronabirusaren agerraldiaren harira (hamar kasu baieztatu dituzte dagoeneko Hego Euskal Herrian, bederatzi EAEn eta bat Nafarroan), hainbat hitzordu bertan behera uzten hasi dira Euskadin, azken orduetan. Hala, Gasteizko Psikiatria Batzarra irailera arte atzeratu dute, eta Medikuntza Zientzien Akademiaren Giza Zientzien Astea ez dute egingo, Bilbon. Halaber, Gasteizko Txagorritxu eta Barakaldo San Eloy ospitaleetako kafetegiak itxi dituzte, bai eta Basurtuko Ospitaleko jantokia ere. Bitartean, sindikatuek mobilizazio batzuk bertan behera utzi dituzte Osakidetzan.
Horrela, asteazkenetik aurrera Gasteizen 600 aditu baino gehiago bildu behar zituen Psikiatriako Batzar Nazionala bertan behera geratu da, eta irailera arte atzeratu dute hitzordua, prebentzio-neurri gisa.
Antolatzaileek azaldu dutenez, Osasun Sailaren gomendioei jarraituz erabaki dute aste honetan topaketa ez egitea; izan ere, Estatu osoko psikiatrak eta Osasun arloko langileak ziren joatekoak topaketara, baita EAEko ospitaleetakoak ere (horietako langileen artean lau kasu baieztatu dira azken egunotan).
Egoera horren aurrean, Psikiatrian Eguneratzeko 28. Ikastaro Nazionala irailaren 9tik 12ra bitartean egingo da, Arabako hiriburuko Europa Jauregian.
Bilbon, gaurtik ostegunera bitartean egitekoa zuten Giza Zientzien XLVII. Astea bertan behera uztea erabaki du Bizkaiko hiriburuko Medikuntza Zientzien Akademiak. Testuinguru horretan, ekitaldia aurrerago egitea aurreikusi dute, aurten bertan, baina "egoera aproposagoa denean", Akademiak azaldu duenez.
Hala, erabaki horrek eragina izan lezakeen herritar eta erakunde guztiei barkamena eskatu diete antolatzaileek, eta hartutako erabakia zaila izan arren, "prebentzioaren eta zuhurtziaren hastapenek bultzatuta" hartu dute.
Osakidetzan, Satse, CC. OO. eta UGT sindikatuek langileentzako deialdi batzuk bertan behera utzi dituzte; hain zuzen ere, astearte honetarako, Txagorritxun, Basurtun, Santa Marinan eta Donostia Ospitalean protestak zeuden deituta, langileen "karrera profesionala izateko eskubidea" aldarrikatzeko, sindikatuek ohar batean zehaztu dutenez.
Eskaerak "garrantzitsuak" diren arren, eta "arduragatik", "kutsadura erraztu ahal duten jokabideak" saihestu nahi izan dituzte sindikatuek.
Ondorengo asteotarako aurreikusitako mobilizazioei dagokienez, sindikatuek aurreratu dute osasun-egoeraren bilakaeraren zain ibiliko direla.
Ildo horretan, Gasteizko Txagorritxu eta Barakaldo San Eloy ospitaleetako kafetegiak itxi dituzte, eta gauza bera erabaki dute Basurtuko Ospitaleko jantokian.
Osasun Sailak, Euskal Herriko Unibertsitatearekin koordinatuta, Arabako eta Gipuzkoako Medikuntza eta Erizaintzako praktikak ere bertan behera uztea erabaki du, prebentzio-neurri gisa, baita zentro horietan beste erakunde batzuek egindako gainerako prestakuntza-jarduerak ere.
Zure interesekoa izan daiteke
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da, tenperatura altuek eragindako arazo teknikoengatik.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertuko sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko erreietako bati eragin dio suteak, eta, ondorioz, arazoak izan dira zirkulazioan. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.