Mugimendu Feministak "benetako neurriak" nahi ditu, ez "hitz politak"
Donostiako Mugimendu Feministak haien eskubideengatik "borrokara batzera" deitu ditu emakumeak martxoaren 8an, eta, haien ustez, erakunde publikoek egiten duten "garbiketa morea" salatzera. Horrez gain, "benetako neurri, baliabide eta politika feministak" nahi dituztela adierazi dute, ez "hitz politak".
Mugimendu Feministako dozenaka kidek prentsaurreko bat eskaini dute Donostiako Emakumearen Etxean. Hartan, igandeko Emakumearen Nazioarteko Egunerako antolatu duten mobilizazioen programa aurkeztu dute.
Bozeramaile moduan jardun duten Carmen Altunak eta Flor Rodriguezek azaldu dutenez, 2018ko eta 2019ko greben ondoren, aurten ez dute geldialdirik deituko, baina kaleak beteko dituztela adierazi dute, "ozenki esateko pertsona gehienentzat jendarte eredu hau jasangaitza dela, bereziki emakumeentzat eta genero disidenteentzat".
"Indarrak antolatzeko eta batzeko" beharra azpimarratu dute, antolatutako mobilizazioetako leloak dioen bezala: "Antolatu indarrak, batu borroka feministara". Aldarrikatzen dutena "bestelako jendarte eredu emankor bat" dela nabarmendu dute.
“Ez dugu berdintasun formalik nahi, feminismo erradikal bat baizik", azaldu dute bozeramaileek, eta feminismo "antikapitalista, antifaxista, antikolonialista eta antikapazitista" babestu dute, "zapaltzen gaituzten sistemen kontra dauden guztiengatik".
Ekintzak tokikoak izan arren, haien ikuspuntua "globala" dela adierazi dute Donostiako aktibistek, "planeta osoko arreba feministekin" elkartuta baitaude, "neoliberalismoaren erasoari" aurre egiten diotela diotenekin.
Martxoaren 8ko mobilizazioei dagokienez, ekintzak aurreko egunean hasiko dituztela adierazi dute, Martuteneko espetxetik irtengo den "gurpilen gaineko" martxa batekin, presoekin elkartasunean. Gainera, bazkari eta afari popularra eta hainbat tailer eta hitzaldi ere izango dituzte Boulevardean, igandean ere irekita egongo direnak.
18:00etarako antolatutako "elkartasun" manifestazioa izango da igandeko ekitaldi nagusia, Gipuzkoako hiriburuko auzo desberdinetatik irtengo diren "zutabeekin". Alderdi Ederren elkarretaratze bat egitea ere aurreikusten dute eguerdirako, eta, hori baino lehen, "Erasotzailea zu zara" performancearen irudikapen bat, Gipuzkoako garbitzaileen eskutik.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.