Zer egin behar dut koronabirusaren sintomak baditut?
Koronabirusaren sintomak dituztenentzako gomendioak argitaratu dituzte Osakidetzak eta Espainiako Gobernuaren Osasun Ministerioak; bertan, sukarra, eztula edo arnasketa-zailtasuna dutenentzako jarraibideak daude. Hemen daude COVID-19 gaitza izateko sintomak dituztenentzako jarraibideak.
1.Zeure burua isolatu:
-Banakako erabilerako gela batean, leihoarekin, aireztatuta, atea itxita. Logelan, zabor-ontzi estalkidun bat jarri, edo itxiera hermetikoko poltsa bat. Ahal bada, banakako bainugelarekin.
-Posible ez bada, etxeko gainerakoekin bi metroko segurtasun-tartea utzi, eta garbitasuna muturrera eraman.
-Gelatik irten behar badu, pertsonak maskara kirurgikoa eraman behar du, eta segurtasun-distantzia errespetatu; alabaina, irtetea saihestu behar da, betiere.
-Bakartze-egoeran dagoen bitartean, saihestu egin behar da adineko pertsonekin, gaixotasun kronikoak dituztenekin edo haurdunekin bizitzea.
2.Komunikatuta egon: telefono bat aldean izan, behar duzunaren berri emateko eta maite dituzunekin hitz egin ahal izateko.
3.Zein telefono-zenbakira deitu:
-EAEn: ohiko zure osasun zentrora.
-Nafarroan: 948 29 02 90.
4.Zeure burua zaindu: erabili parazetamola, sukarra kontrolatzeko; jarri bekokian zapi hezeak, edo hartu dutxa epela, sukarra kontrolatzen laguntzeko; likidoak edan; atsedena hartu, baina mugi zaitez gelatik, noizean behin.
5.Bakartu etxean: premiazkoena eginda, aztertu eta kontuan izan etxean bakartzeko gomendioak, eta jakinarazi zurekin bizi direnei koarentena egin behar dutela.
6.Eskuak garbitu: ziurtatu etxean denek dakitela nola garbitu eskuak zuzen.
7.14 egun: gomendatzen da isolamenduari 14 egunez eustea, sintomak hasi zirenetik, betiere egoera klinikoa gaindituta.
8.Alta: Jarraipena eta alta lehen mailako arretako medikuak gainbegiratuko ditu, edo, bestela, dagokizun telefonoan (ikusi 3. puntua).
*GOGORATU: Euskadik jarduketa-protokoloa martxan jarri du. Protokolo horrek ospitaleetako larrialdietako eta Etengabeko Arreta Puntuetako (EAP) profesionalak, Osakidetzako larrialdien sarea eta kasu hauetarako ESI bakoitzean arduradun zuzenak dituzten ospitaleetako zerbitzuak hartzen ditu bere baitan.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.