Maiatzaren 2tik aurrera kirola egitera irteteko aukera iragarri du Sanchezek
Pedro Sanchez Espainiako Gobernuko presidenteak larunbat honetan iragarri duenez, 14 urtetik beherako haurren irteerak ez baitu kutsatze kopurua handitzen, maiatzaren 2az geroztik herritarrak arikera fisikoa egitera eta paseatzera atera ahalko dira kalera.
Igande honetatik aurrera 14 urtetik beherako umeek irteera txikiak egingo dituzte Espainiar Estatuan, etxeko heldu batekin. Hortaz, "erantzukizun eta segurtasun osoz jarduteko" eskatu die Sanchezek familiei Moncloatik egindako agerraldian.
Irteera horiek egiteko baldintzak "zorrotz betetzea funtsezkoa" dela azpimarratu du Espainiako Gobernuko presidenteak, etxetik irtetzen direnak ez kutsatzeko eta, ondorioz, gainerakoak ez kutsatzeko ere.
Sanchezek iragarri duenez, "zuhurtzia hori" berresten bada, eta hori hala izango den zalantzarik ez daukala dio, neurrien malgutze progresiboa izango da. Gauzak horrela, eta epidemiaren hedatzeak kontrolpean jarraitzen badu, maiatzaren 2az geroztik, ariketa fisikoa egitera eta paseoak ematera atera ahalko dira herritarrak.
"Ekintza eta mugikortasun soziala ez ditugu bat-batean berreskuratuko, faseka baizik", azaldu du Sanchezek. "Abiapuntua hau izango da: herrialde gisa batera sartu gara, eta batera aterako gara", gaineratu du.
"Trantsizio bigarren aro honetan, lehenengoan bezala, arrisku asko daude", azpimarratu du, "ez daukagu hutsik gabeko gidalibururik".
Deseskalatzea, Ministroen Kontseiluan
Bestalde, Sanchezek iragarri duenez, deseskalatze plana eramango du astearte honetan Ministroen Kontseilura. Horren hitzetan, deseskalatzea "pixkanakakoa, asimetrikoa eta koordinatua" izango da maiatzean zehar, eta "zuhurtzia" oinarri izanda.
Sanchezek azaldu duenez, deseskalatzea desberdina izango da Erkidego bakoitzean, baina "arau berdinekin jokatuko dugu", izan ere, "birusak ez baitu muga administratiborik". Bete beharrezko adierazle batzuk gidatuko dute deseskalatze prozesua, herritarrek ezagutu ditzaten ezarriko diren "helburu objektiboak".
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.