Arabako ESIan osasun-langileen babes-materiala berrerabiltzeari uzteko agindu dute
Arabako Erakunde Sanitario Integratuan lan egiten duten osasun arloko profesionalek maskarak eta txabusina iragazgaitzak berrerabiltzeari uzteko agindu du Arabako epaitegi batek, baita "agintari eskudunek haien erabilerari buruz ezarritako argibide eta gomendioetatik kanpo dauden jokabideak berehala eteteko ere".
Satse sindikatuak ohar baten bidez jakinarazi duenez, epaitegi horrek bere eskaera onartu du, eta "epaiak onartzen du lan-osasuna ez dela negoziatzen, ezta merkatuko arrazoietara baldintzatzen ere".
Gainera, Administrazioak "langileak babesteko duen betebehar legala" azpimarratzen du epaiak, eta, ondorioz, osasun arloko profesionalei "beharrezko prebentzio-baliabide egokiak lehenbailehen ematea" eskatzen du, "haien lana gutxieneko segurtasun-baldintzak betez egin dezaten".
Satseren esanetan, "babes-materialak berrerabiltzeari, deskontaminatzeari edo berriz esterilizatzeari buruz agintari eskudunek ezarritako argibideei eta/edo gomendioei nahitaez jarraitzea" eskatzen du epaitegiak, "material horien eraginkortasuna eta babes-ahalmena inoiz gal ez dadin".
Sindikatuaren arabera, babes-neurriei dagokienez "osasun-krisi honetan profesionalek jasaten dituzten etengabeko gabeziak" salatzen jarraituko ditu.
Ildo horretatik, bat egiten du epaiaren azken paragrafoarekin, non epaileak "egoera honekin amaitzea" espero duela adierazten duen, eta bere "txalorik zintzoena" helarazten die "oro har lanean ari diren kolektibo guztiei, eta, bereziki, osasun arlokoei, egun hauetan gure osasuna bermatzen baitute".
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.