Ugaon eta Amurrion drogekin trafikatzen zuen gaizkile-talde bat desegin dute
25 arma legez kanpo erabiltzen zituzten hiru pertsona atxilotu ditu Ertzaintzak azken orduetan, Bizkaian eta Araban droga-trafikoan aritzen zen gaizkile-talde bat osatzea leporatuta, Eusko Jaurlaritzako Segurtasun Sailak ostiral honetan jakinarazi duenez.
Ohar baten bidez azaldutakoaren arabera, gaizkile-talde hori desegiteko polizia-operazioa aste honetan egin dute Ugaon eta Amurrion. Ertzainek 25 arma atzeman dituzte (motzak eta luzeak), baita kokaina, speed, haxix eta marihuana kopuru ezberdinak ere.
Gaizkile-talde horrek Amurrioko etxebizitza-eraikin bateko garaje batean aparkatutako auto bat erabiltzen zuen zulo gisa. "Ezkutaleku" horretan, drogak eta armak gordetzen zituzten. Ibilgailua hautsez beteta zuten, taldekoa ez zen norbaitek autoa miatzen zuen edo ez jakiteko. Ertzaintzak atzeman dituen gainerako gauzak Ugaoko etxebizitza batean zituzten gordeta.
Atzeman dituzten armen artean, errifle militarrak, erasorako subfusilak, hainbat pistola eta errebolber bat daude. Guztira 25 arma, motzak eta luzeak, eta hainbat munizio. Horrez gain, 300 gramo kokaina, 1.800 gramo haxix, marihuana-kukuluz betetako poltsa bat, hiru doitasun-balantza eta 2.800 euro ere atzeman dituzte, Segurtasun Sailak jakitera eman duenez.
Taldeak Amurrioko garaje batean aparkatutako auto bat erabiltzen zuen zulo gisa
Ikerketa maiatzean hasi zuten, lapurretekin eta droga-trafikoarekin lotuta aurrekariak dituzten hiru gaizkileak elkarrekin aritzen zirela susmatuta. Jarraipenari esker, lagunak zirela ikusi zuten, eta gaizkile-talde bat osatzen zutela egiaztatu ahal izan zuten.
Taldea droga-trafikoan aritzen zen bi herri horietan, baita inguruko beste udalerrietan ere. Ikerketako arduradunen ustez, urtebete inguru zeramatzaten horretan. Ildo horretatik, legez kanpo zituzten arma horiek erabili dituzten ere ikertzen ari dira, eta horietako batzuk beste delitu batzuetan erabili dituztela uste dute.
Segurtasun Sailaren arabera, 28 urteko gizon bat omen da taldeko burua, baldintzapean aske zegoena, eta zulo gisa erabiltzen zuten autoan ezkutatzen zituzten armak jasotzera zihoala harrapatu zuten, ezustean.
Ordu batzuk geroago, 38 urteko beste gizon bat atxilotu zuten Ugaoko bere etxean, eta hainbat arma aurkitu zituzten han. Hirugarren atxilotua, 45 urteko gizon bat, atzo, osteguna, atxilotu zuten, herri horretako industrialde batean. 45 urteko atxilotuari suzko armaz pertsona bat bahitu izana leporatu diote aurretik.
Hiru atxilotuak datozen orduetan eramango dituzte epailearen aurrera, eta atzemandako material guztia ere horren esku utziko dute.
Zure interesekoa izan daiteke
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia batean hainbat neskei edalontzietara droga bota zieten ikertzen ari dira
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.
Guardia Zibilak berretsi du Maialen Mazonen arrisku egoera "muturrekoa" zela
Maialen Mazonen hilketa argitzeko epaiketaren laugarren egunean, ustezko hiltzailearen amak deklaratu du. Adierazi du semea "egoera normalean" ez dela halakorik egiteko gauza.
"Kuadrilla" kartelak iragarriko ditu 2026ko sanferminak
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
'MV Hondius' ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.